დავით ზალკალიანის განცხადებით, არ არის გამორიცხული, რომ საქართველომ გააფართოოს იმ ქვეყნების სია, რომელთანაც ფრენებს გახსნის

საგარეო საქმეთა მინისტრის დავით ზალკალიანის განცხადებით, არ არის გამორიცხული, რომ საქართველომ გააფართოოს იმ ქვეყნების სია, რომელთანაც ფრენებს გახსნის. ამის შესახებ მან მთავრობის სხდომის დასრულების შემდეგ განაცხადა.

„5 ქვეყანასთან ფრენების აღდგების გადაწყვეტილება გამომდინარეობს იმ გადაწყვეტილებიდან, რომელიც ევროკავშირმა 30 ივნისს მიიღო. ბუნებრივია, ეს ეფუძნება იმ კრიტერუმებს და ფაქტორებს, რომელიც განსაზღვრავს ჩვენი და ევროკავშირის წევრი ქვეყნების მოქალაქეების უსაფრთხოდ გადაადგილებას. აქედან გამომდინარე, ჩვენ თანმიმდევრულად და ეტაპობრივად განვაახლებთ და უკვე ვარწარმოებთ მოლაპარაკებებს ევროკავშირის სხვა წევრ ქვეყნებთან, ზოგმა გარკვეული პირობით, ზოგმა უპირობოთ მიიღო გახსნის გადაწყვეტილება. ეს სია არ არის საბოლოო. ევროკავშირის გადაწყვეტილება აძლევს მოქნილობას ევროკავშირის წევრ ქვეყნებს, რომ ორ კვირაში ერთხელ გადასინჯონ არსებული სია და ეპიდემიოლოგიური სიტაციიდან გამომდინარე მიიღონ შესაბამისი გადაწყვეტილება. ჩვენი ქმედებაც იქნება თანმიმდევრული, ჩვენც ჩვენს სპეციალისტებთან მჭიდრო კოორდინაციისა და კონსულტაციების შედეგად, ასევე ფაქტებზე დაყრნობით რა მდგომარეობაც იქნება ევროკავშირის ქვეყნებში მივიღებთ შესაბამის გადაწყვეტილებას. არის გამორიცხული, რომ გარკვეული პერიოდის შემდეგ ეს სია გაფართოვდეს,“ - განაცხადა ზალკალიანმა.

იხილეთ ვიდეო

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს