სალომე სამადაშვილი აშშ-ის წარმომადგენელთა პალატის  კანონპროექტზე - ეს არის ის გზავნილი, რაც დამარცვლით დაიწერა ვაშინგტონში “ოცნების” და  ივანიშვილის გასაგონად

გზავნილი განკუთვნილია პირადად ბიძინა ივანიშვილისთვის და მას მიუთითებს, რა უნდა მოხდეს უახლოეს მომავალში. უნდა შესრულდეს 8 მარტის შეთანხმების ყველა პუნქტი, წინააღმდეგ შემთხევევაში, შედეგი პირადად ბიძინა ივანიშვილისთვის და მისი ხელისუფლებისთვისაც იქნება ძალიან მძიმე,- ასე შეაფასა “ნაციონალური მოძრაობის” წევრმა, სალომე სამადაშვილმა აშშ-ის წარმომადგენელთა პალატის ასიგნებების კომიტეტის მიერ წარდგენილი კანონპროექტი. როგორც სამადაშვილმა ჟურნალისტებს განუცხადა, ნიშანდობლივია, რომ კონგრესმა აუცილებლად ჩათვალა, დეტალურად განემარტა, რას გულისხმობს ქვეყანაში დემოკრატიული და კანონის უზენაესობის კუთხით არსებული საკითხები.

“პირდაპირ არის საუბარი, რომ დღეს შეშფოთებას იწვევს ოლიგარქიული არაფორმალური გავლენა ქვეყნის მართვაზე, ზეწოლა ოპოზიციაზე, არასამთავრობო ორგანიზაციებზე და მედიაზე. გზავნილი განკუთვნილია პირადად ბიძინა ივანიშვილისთვის და მას მიუთითებს, რა უნდა მოხდეს უახლოეს მომავალში: ჩატარდეს თავისუფალი და გამჭვირვალე არჩევნები, უნდა მოიხსნას ზეწოლა მედიაზე და ოპოზიციაზე. შესაბამისად, უნდა შესრულდეს 8 მარტის შეთანხმების ყველა პუნქტი. წინააღმდეგ შემთხევვაში, შედეგი პირადად ბიძინა ივანიშვილისთვის და მისი ხელისუფლებისთვისაც იქნება ძალიან მძიმე. ეს არის ის გზავნილი, რაც დამარცვლით დაიწერა ვაშინგტონში “ქართული ოცნების” და ბიძინა ივანიშვილის გასაგონად”,- განაცხადა სამადაშვილმა.

ცნობისთვის, აშშ-ის წარმომადგენელთა პალატის ასიგნებების კომიტეტის მიერ წარდგენილ კანონპროექტს, რომელშიც 2021 ფისკალური წლისთვის სახელმწიფო დეპარტამენტის, საგარეო ოპერაციებისა და მასთან დაკავშირებული პროგრამების დაფინანსების პრიორიტეტებზეა საუბარი, საქართველოსთან დაკავშირებით რამდენიმე განმარტება დაემატა. დოკუმენტში აღნიშნულია, საქართველომ დახმარების სახით მისაღები 132 025 000 აშშ დოლარის 15 პრეცენტი შესაძლოა, ვერ მიიღოს მანამ, სანამ აშშ-ის სახელმწიფო მდივანი არ განსაზღვრავს და კომიტეტს არ წარუდგენს მოხსენებას იმის შესახებ, რომ რომ საქართველოს ხელისუფლება: ეფექტურად ახორციელებს საარჩევნო რეფორმას; იცავს სასამართლოს დამოუკიდებლობას, მათ შორის აღმასრულებელი და საკანონმდებლო ხელისუფლებისგანაც; ეფექტურად ახორციელებს აუცილებელ პოლიტიკას, რათა უზრუნველყოს ანგარიშვალდებულება და გამჭვირვალეობა, საჯარო ინფორმაციის შეუზღუდავი ხელმისაწვდომობის ჩათვლით; იცავს სამოქალაქო საზოგადოების და ოპოზიციური პოლიტიკური პარტიების უფლებებს და მედიის დამოუკიდებლობას; ზღუდავს ოლიგარქების არაფორმალურ გავლენას, როგორც ხელისუფლების ფუნქციებზე, ასევე კანონებისა და რეგულაციების გამოყენებაზე.

რამაზ საყვარელიძე - არცერთ კვლევაში პატარა პარტიებისკენ არ მიდის ხმები, რადგან ჯერ ისევ „ნაციონალების“ და მისი ვარიაციების მიღება-არმიღებაა მწვავე საკითხი
ქართული პრესის მიმოხილვა 06.08.2020
გიორგი პერტაია - სავაჭრო პალატა მეწარმეებს ბიზნესის მხარდამჭერ ყველა პროგრამას ერთ ონლაინ პლატფორმაზე სთავაზობს
ბიზნესოპერაციები მობილური ტელეფონით - ტერაბანკის მობაილბანკი ბიზნესისთვის
ბუნებრივი რესურსების საკონსულტაციო მომსახურება - კოლიერსის და MMS-ის ერთობლივი პროდუქტი
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა