გლდანი-ნაძალადევის სამმართველოს უფროსის ინფორმაციით, გლდანში, ვასაძის ქუჩაზე სასწრაფო დახმარების ჯგუფი პრევენციის მიზნით მივიდა

საქართველოს შინაგან საქმეთა სამინისტროს, საპატრულო პოლიციის დეპარტამენტის თბილისის მთავარი სამმართველოს IV სახაზო-საპატრულო სამმართველოს (გლდანი-ნაძალადევი) უფროსის დავით მჟავიას ინფორმაციით, გლდანში ვასაძის ქუჩაზე ერთ-ერთ საცხოვრებელ კორპუსთან, სადაც ადგილობრივების ინფორმაციით, მოქალაქე უმისამართოდ ისროდა, სასწრაფო დახმარების ჯგუფი პრევენციის მიზნით მივიდა.

„სასწრაფო პრევენციის მიზნითაა მოყვანილი. ამ ეტაპზე ყველა ნიუანსი ამოწურულია“, - განაცხადა დავით მჟავიამ.

მას არ დაუკონკრეტებია, რა სახის ინციდენტს ჰქონდა ადგილი.

ამასთან, დაკავებულია თუ არა მომხდარზე ვინმე, ამ დროისთვის უცნობია. მჟავიას თქმით, შსს აღნიშნულის თაობაზე ინფორმაციას მოგვიანებით გაავრცელებს.

ტერიტორია უკვე დატოვა სასწრაფო სამედიცინო დახმარების ჯგუფმა და სამართალდამცველების ნაწილმა.

ცნობისთვის, გლდანში ვასაძის ქუჩაზე ადგილობრივების ინფორმაციით, მოქალაქემ კორპუსიდან რამდენჯერმე გაისროლა. ადგილზე პოლიცია და სასწრაფო-სამედიცინო დახმარების ჯგუფი იყო მობილიზებული.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 10.08.2020
სევრის ხელშეკრულების 100 წლისთავი
„მოედანი“ - პროექტი, რომელიც ავლაბარს ახალ სიცოცხლეს შესძენს
ამერიკული სტეიკის მასტერკლასი ბათუმში