“მთავარი არხის” გენერალური დირექტორი, ნიკა გვარამია თბილისის საქალაქო სასამართლოში დაიბარეს, სადაც მაგისტრატი მოსამართლის თანდასწრებით გამოიკითხება.

როგორც გვარამიას ადვოკატმა, დიმიტრი საძაგლიშვილმა “ინტერპრესნიუსს” განუცხადა, გვარამია სასამართლოში 18:00 საათზეა დაბარებული. მისივე თქმით, გვარამია გამოკითხვაზე მივა.

ცნობისთვის, ნიკა გვარამია საგამოძიებო უწყებაში გამოკითხვაზე გუშინ დაიბარეს. გვარამიამ საგამოძიებო უწყებაში მისვლაზე უარი განაცხადა და გამოკითხვა სასამართლოში მოითხოვა.

როგორც ცნობილია, გვარამია გამოკითხვაზე “მთავარი არხის” ეთერში გიორგი შაქარაშვილის საქმესთან დაკავშირებით გაჟღერებული გარემოებების თაობაზე დაიბარეს.