ნიკა გვარამია - არ ვაპირებ წყაროს გასაჯაროებას, ერთადერთი შემიძლია, ვუთხრა წყაროს წარმომავლობა, ეს არის შსს-ს გენერალური ინსპექცია

„მთავარი არხის“ გენერალური დირექტორის, ნიკა გვარამიას განცხადებით, საქალაქო სასამართლოში გიორგი შაქარაშვილის გარდაცვალების საქმეზე დაკითხვის დროს, წყაროს გასაჯაროებას არ აპირებს.

მისი თქმით, მხოლოდ წყაროს წარმომავლობას დაასახელებს.

„ამ ეტაპზე მე არ ვაპირებ წყაროს გასაჯაროებას. ერთადერთი შემიძლია, ვუთხრა, როგორც ყოველთვის ვეუბნები, წყაროს წარმომავლობა, ეს არის შინაგან საქმეთა სამინისტროს გენერალური ინსპექცია.

მე, უნდა ითქვას სამართლიანობისთვის, სხვა არხების დირექტორებისგან განსხვავებით, ჟურნალისტურ საქმიანობასაც ვეწევი, თუმცა ჟურნალისტი არ ვარ. თუმცა, ვიდრე ჟურნალისტობას მივყოფდი ხელს მანამდეც მიბარებდნენ. ამ ქვეყანაში ერთ-ერთ მნიშვნელოვან მტრად ბიძინა ივანიშვილისთვის მე მივიჩნევი, ამიტომ აქ უფრო ხშირად ვარ, სამსახურში თუ სახლში ეს ზუსტად არ ვიცი“, - განაცხადა ნიკა გვარამიამ.

კითხვაზე, ფიქრობს, თუ არა, რომ დაკითხვაზე იმ ჟურნალისტებსაც დაიბარებენ, რომლებიც შაქარაშვილის საქმეზე მუშაობდნენ, ნიკა გვარამიამ აღნიშნა, რომ „ტერორისტული ხელისუფლებისგან ყველაფრის მოლოდინი აქვს“.

ნიკა გვარამია საქალაქო სასამართლოში გარდაცვლილი ფეხბურთელის გიორგი შაქარაშვილის საქმესთან დაკავშირებით დაკითხვაზეა დაბარებული. ის მაგისტრი მოსამართლის წინაშე დაიკითხება.

გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ქართული პრესის მიმოხილვა 03.08.2020
ალექსანდრე თვალჭრელიძე -  გაბრაზებული ამომრჩევლები ხმას მცირე პარტიებს მისცემენ, პარლამენტის გასაღები სწორედ მცირე პარტიების და  ახალი სახეების ხელშია
„ნიუ ჰაუსი“ მომხმარებელს 27-თვიან შიდა უპროცენტო განვადებას სთავაზობს - იცხოვრე კომფორტულ გარემოში