აზერბაიჯანის თავდაცვის უწყება ქვეყნის კუთვნილი უპილოტო საფრენი აპარატის ჩამოგდების შესახებ ინფორმაციას უარყოფს

აზერბაიჯანის თავდაცვის სამინისტრო ქვეყნის კუთვნილი უპილოტო საფრენი აპარატის ჩამოგდების შესახებ ინფორმაციას არ ადასტურებს, - ამის შესახებ ინფორმაციას აზერბაიჯანული საინფორმაციო სააგენო APA ავრცელებს.

„ვაცხადებთ, რომ ეს ინფორმაცია სიმართლეს არ შეესაბამება. აზერბაიჯანის არმიის კუთვნილი ყველა უპილოტო საფრენი აპარატი ადგილზეა და დანაკარგი არ გვაქვს,“- აღნიშნულია თავდაცვის სამინისტროს განცხადებაში.

შეგახსენებთ, გუშინ აზერბაიჯანი-სომხეთის საზღვრზე სომეხ და აზერბაიჯანელ სამხედროებს შორის დაპირისპირება მოხდა, რის შედეგადაც, მედიის ინფორმაციით, დაიღუპა 3 და დაშავდა 5 აზერბაიჯანელი ჯარისკაცი. მხარეები ცეცხლის გახსნაში ერთმანეთს ადანაშაულებენ.

შეტაკებები გვიან ღამითაც გაგრძელდა. აზერბაიჯანის თავდაცვის სამინისტროს ინფორმაციით, სომხეთის შეიარაღებულმა ძალებმა თოუზის რაიონის სოფელი აღდამის მიმართულებით 120 მმ-იანი ნაღმტყორცნების გამოყენებით ცეცხლი გახსნეს, აზერბაიჯანელი ჯარისკაცები კი „მტრის პროვოკაციის საპასუხოდ ძლიერ ზომებს იღებდნენ.“ სომხეთის თავდაცვის სამინისტრომ აზერბაიჯანული დასახლებების მიმართულებით ცეცხლის გახსნის შესახებ ინფორმაცია უარყო.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 25.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს