გარემოს დაცვის მდგრადი განვითარების ხელშეწყობის მიზნით ოთხმხრივი მემორანდუმი გაფორმდა

საქართველოში გარემოს დაცვის მდგრადი განვითარების ხელშეწყობის მიზნით, გარემოს დაცვისა და სოფლის მეურნეობის მინისტრის მოადგილემ, ნინო თანდილაშვილმა, თბილისის მერის მოადგილემ, მაია ბითაძემ, კავკასიის გარემოსდაცვითი არასამთავრობო ორგანიზაციების ქსელის CENN აღმასრულებელმა დირექტორმა, ნანა ჯანაშიამ და სავაჭრო და გასართობი ქალაქის „ისთ ფოინთი“ მარკეტინგის დირექტორმა, თეა ლომინაძემ ხელი თანამშრომლობის მემორანდუმს მოაწერეს.

გარემოს დაცვისა და სოფლის მეურნეობის სამინისტროს ინფორმაციით, მემორანდუმის ფარგლებში, მხარეები აქტიურად ითანამშრომლებენ გარემოსდაცვით სფეროში საზოგადოების ცნობიერების დონის ამაღლების, ცოდნისა და გამოცდილების გაზიარების და გარემოსდაცვითი პასუხისმგებლობის ზრდის მიმართულებით.

ნინო თანდილაშვილის განაცხადებით, გარემოს დაცვა და მწვანე ეკონომიკის განვითარების ხელშეწყობა ქვეყნის მნიშვნელოვან პრიორიტეტს წარმოადგენს, რომლის მშენებლობაშიც საჯარო, კერძო და არასამთავრობო სექტორის ეფექტიან კოლაბორაციას განსაკუთრებული ფუნქცია აქვს.

„დღეს ძალიან მნიშვნელოვან თანამშრომლობას ეყრება საფუძველი. გარემოსდაცვითი პოლიტიკის ეფექტიანად განხორციელების ნაწილში, საზოგადოების ცნობიერების ამაღლებას განსაკუთრებული მნიშვნელობა აქვს. მაქვს წარმატებული ერთობლივი მუშაობის მოლოდინი“,- განაცხადა ნინო თანდილაშვილმა.

უწყებისვე ცნობით, აღსანიშნავია, რომ მემორანდუმის ინიციატორია სავაჭრო და გასართობი ქალაქი „ისთ ფოინთი“, რომელიც ნარჩენების გონივრული მართვის და გარემოს დაცვის მიზნით, მომხმარებელს მანქანის უფასო ელექტროდამტენით სარგებლობის, ასევე, ელექტრობატარეების შესაგროვებელი პუნქტის გამოყენების და ცენტრის ტერიტორიაზე განთავსებულ ურნებში ნარჩენების სეპარაციის შესაძლებლობას აძლევს.

სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
ქართული პრესის მიმოხილვა 21.06.2021
ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
20 ივნისის მოვლენებთან დაკავშირებით, კახა ოქრიაშვილი სპეციალურ განცხადებას ავრცელებს
ჩვენ ყოველთვის ღია ვართ დისკუსიისთვის - სოციალური კვლევის ინსტიტუტი საქართველოს დაავადებათა კონტროლისა და საზოგადოებრივი ჯანმრთელობის ეროვნულ ცენტრს მიმართავს