COVID-19-ის რისკის შემცირებისა და მყისიერი რეაგირების ფარგლებში, კოკა-კოლას საქველმოქმედო ფონდის ფინანსური დახმარებით, საქართველოს წითელი ჯვრის საზოგადოებამ PCR ტესტები შეისყიდა და ინფექციურ საავადმყოფოს გადასცა.
როგორც „ინტერპრესნიუსს“ საქართველოს წითელი ჯვრის საზოგადოებიდან აცნობეს, აღნიშნული ხელს შეუწყობს ვირუსის დროულ აღმოჩენას და შესაბამისად შეამცირებს გავრცელების რისკს.
მათი ინფორმაციით, საქართველოს წითელი ჯვრის საზოგადოების პრეზიდენტი ნათია ლოლაძე ინფექციური პათოლოგიის, შიდსისა და კლინიკური იმუნოლოგიის ს/პ ცენტრის გენერალურ დირექტორს, თენგიზ ცერცვაძეს შეხვდა.