აზერბაიჯანის საგარეო საქმეთა სამინისტრო სომხეთის მხრიდან თომუზის რაიონში სოფელ დონდარის ე.წ. ჰაუბიცებიდან დაცხრილვის შესახებ იუწყება. ინფორმაციას „რია ნოვოსტი“ ავრცელებს.
სააგენტო აღნიშნავს, რომ სომხეთი ამ ინფორმაციას უარყოფს და ამტკიცებს, რომ სომხეთი არასდროს ხსნის ცეცხლს დასახლებული პუნქტების მიმართულებით.
აზერბაიჯანული მხარის ცნობით, მოწინააღმდეგის მიმართულებით განხორციელდა მკაცრი კონტრზომები.
სომხეთის თავდაცვის სამინისტროს პრესმდივანი შუშან სტეპანიანი ამ ინფორმაციას უარყოფს და აცხადებს, რომ სომხური მხარის სამიზნე მხოლოდ საინჟინრო ინფრასტრუქტურა და სამხედრო ტექნიკაა.
მისივე თქმით, აზერბაიჯანი ხშირად ათავსებს თავის ტექნიკას დასახლებული პუნქტების სიახლოვეს, რითაც მათ საფრთხის წინაშე აყენებს.
ცნობისთვის, აზერბაიჯანსა და სომხეთს შორის ვითარება კვირას დაიძაბა, როდესაც შეტაკება მოხდა აზერბაიჯან-სომხეთის საზღვარზე, თოვუზის რაიონში.