კორონავირუსის შემთხვევების ზრდის გამო კალიფორნიაში შეზღუდვები ხელახლა დაწესდა, - ამის შესახებ ინფორმაციას BBC-ი ავრცელებს.
გამოცემის ცნობით, შტატის გუბერნატორმა, გევინ ნიუსომმა, კალიფორნიის რესტორნების, ბარების, კინოების, თეატრების, მუზეუმებისა და ზოოპარკების დახურვის განკარგულება გასცა.
ამასთან, დაიხურება სპორტული დარბაზები, სილამაზის სალონები და ეკლესიები.
კალიფორნიაში დაახლოებით 40 მილიონი ადამიანი ცხოვრობს. ბოლო მონაცემებით, შტატში კორონავირუსის 330 000-ზე მეტი შემთხვევაა დადასტურებული და დაღუპულთა რაოდენობა 7 000-ს აჭარბებს.
იხილეთ ვიდეო:კორონავირუსის შემთხვევების ზრდის გამო კალიფორნიაში შეზღუდვები ხელახლა დაწესდა