ბრაზილიაში, ბოლო დღე-ღამის განმავლობაში, კორონავირუსის 20 286 ახალი შემთხვევა გამოვლინდა და დაინფიცირებულთა საერთო რაოდენობა 1 884 967-მდე გაიზარდა, - შესაბამის მონაცემებს ქვეყნის ჯანდაცვის სამინისტრო ავრცელებს.
ამავე მონაცემების თანახმად, ბრაზილიაში, ბოლო ერთი კვირის მანძილზე, კორონავირუსის 261 683 შემთხვევა დადასტურდა.
რაც შეეხება გარდაცვლილების რაოდენობას, ბრაზილიაში კოვიდ 19-ს, საერთო ჯამში, 72 833 ადამიანის სიცოცხლე ემსხვერპლა.
ცნობისათვის, როგორც კოვიდინფიცირებულების, ასევე ვირუსისგან გარდაცვლილების რაოდენობით ბრაზილია მეორე ქვეყანაა მსოფლიოში აშშ-ის შემდეგ.
იხილეთ ვიდეო: ბრაზილიაში კორონავირუსის შემთხვევების რაოდენობა 1 884 967-მდე გაიზარდა