ბრაზილიის პრეზიდენტი ჟაირ ბოლსონარუ აცხადებს, რომ კორონავირუსზე ტესტის ხელახლა ჩატარებას აპირებს, რადგან კარანტინში ყოფნა ძალიან მობეზრდა.
„ტესტს სამშაბათს ჩავიტარებ. მის პასუხს მოუთმენლად დაველოდები, სახლში ყოფნას ვეღარ ვუძლებ, საშინელებაა,“- განაცხადა ჟაირ ბოლსონარუმ CNN-თან ინტერვიუში.
მისივე თქმით, თავს კარგად გრძნობს, არ უჭირს სუნთქვა და არც გემოს შეგრძნება დაუკარგავს.
შეგახსენებთ, ბრაზილიის პრეზიდენტს კორონავირუსი რამდენიმე დღის წინ დაუდასტურდა.
ბოლო მონაცემებით, ბრაზილიაში კორონავირუსის 1 884 967 შემთხვევაა გამოვლენილი, დაღუპულია 72 833 ადამიანი.