მაიკ პომპეო - მსოფლიო არ მისცემს პეკინს უფლებას, სამხრეთ ჩინეთის ზღვას, როგორც საკუთარ საზღვაო იმპერიას, ისე მოეპყროს

მსოფლიო არ მისცემს პეკინს უფლებას, სამხრეთ ჩინეთის ზღვას, როგორც საკუთარ საზღვაო იმპერიას, ისე მოეპყროს, - ამის შესახებ აშშ-ის სახელმწიფო მდივანმა მაიკ პომპეომ განაცხადა.

მისივე თქმით, სამხრეთ ჩინეთის ზღვასთან დაკავშირებით ჩინეთის ტერიტორიული პრეტენზიები უკანონოა.

”ჩვენ გარკვევით ვაცხადებთ: პეკინის პრეტენზია სამხრეთ ჩინეთის ზღვის უმეტესი ნაწილის ოფშორულ რესურსებთან დაკავშირებით, სრულიად უკანონოა. მსოფლიო არ მისცემს პეკინს უფლებას, სამხრეთ ჩინეთის ზღვას, როგორც საკუთარ საზღვაო იმპერიას, ისე მოეპყროს,“- ნათქვამია პომპეოს განცხადებაში.

სახელმწიფო მდივნის განცხადებას აშშ-ში ჩინეთის საელჩო გამოეხმაურა და მას "სრულიად გაუმართლებელი" უწოდა.

”სტაბილურობის შენარჩუნების საბაბით, აშშ კუნთებს ათამაშებს, დაძაბულობას აღვივებს და რეგიონში დაპირისპირების სტიმულირებას ახდენს,” - აღნიშნულია საელჩოს განცხადებაში.

ჩინეთი ამტკიცებს, რომ ბუნებრივი რესურსებით მდიდარი და სტრატეგიულად მნიშვნელოვანი სამხრეთ ჩინეთის ზღვის ტერიტორიის აკვატორიის უმეტესი ნაწილი მას ეკუთვნის, თუმცა, აღნიშნულ ტერიტორიაზე პრეტენზიას ასევე აცხადებენ ვიეტნამი, ტაივანი, მალაიზია, ფილიპინები და ბრუნეი.

იხილეთ ვიდეო:მაიკ პომპეო - მსოფლიო არ მისცემს პეკინს უფლებას, სამხრეთ ჩინეთის ზღვას, როგორც საკუთარ საზღვაო იმპერიას, ისე მოეპყროს

დავით მირცხულავა - ბეტონის გრავიტაციული კაშხლის სეისმური ზემოქმედების გამო დანგრევის პრეცედენტი მსოფლიოში არ ყოფილა, კვლევებიდან გამომდინარე, „ნამახვანი“ მაღალსაიმედოა
ვის ჩაუტარდება კლინიკა „ნიუმედში“ Covid 19-ის სწრაფი ტესტირება, მათ შორის ანტიგენზე დაფუძნებული ტესტით და D-დიმერის კვლევა უფასოდ? - ინტერვიუ კლინიკის დირექტორ ნათია ბულაცაშვილთან
ქართული პრესის მიმოხილვა 30.11.2020
ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა
ირმა ინაშვილი - ჩვენ დამოუკიდებლად ვმოქმედებთ და ვაკეთებთ იმას, რასაც სინდისი გვკარნახობს! (R)