მამუკა მდინარაძე რომან გოცირიძეს - თქვენი მოტივაციაა, რომ ვიღაცებმა ირბინონ, ქაოსი მოაწყონ

მემორანდუმი არის ყველას პასუხისმგებლობა და ამის აღება არ გინდათ, მერე ვიღაც მობილური ტელეფონით გადაიღებს, რომ შევარდნენ „ნაციონალური მოძრაობის“ პარტიული აქტივის წარმომადგენლები და იქ რაღაცები აკეთეს, - ასე უპასუხა საპარლამენტო უმრავლესობის ლიდერმა მამუკა მდინარაძემ „ნაციონალური მოძრაობის წევრის რომან გოცირიძის მოთხოვნას.

როგორც მდინარაძემ განმარტა, კოდექსში ვერ ჩაიწერება, რომ 25-მეტრის რადიუსში საარჩევნო უბნებთან არავინ იგდეს, თუმცა, ამის დარეგულირება მემორანდუმით შეიძლება, რაზეც ოპოზიცია არ თანხმდება, რადგან მათი მოტივაცია „ქაოსის მოწყობაა“.

„საბურთალოს ქუჩაზე, სადაც მე ხმას ვაძლევ, 10 მეტრში არის გაჩერება და თქვენ ითხოვთ არავინ არ იდგესო და ჩვენ გეუბნებით, ამას კანონში ვერ ჩავწერთ, მაგრამ მემორანდუმი გავაფორმოთ, ყველა პარტიამ აიღოს პასუხისმგებლობა თავისი პარტიული აქტივი არ შევიდეს ამ რადიუსში. მემორანდუმი არის ყველას პასუხისმგებლობა და ამის აღება არ გინდათ, მერე ვიღაც მობილური ტელეფონით გადაიღებს, რომ შევარდნენ „ნაციონალური მოძრაობის“ პარტიული აქტივის წარმომადგენლები და იქ რაღაცები აკეთეს. ეს არ გინდათ. ჩვენი მოტივაცია გითხარით რა არის. თქვენი მოტივაციაა, რომ ვიღაცებმა ირბინონ, რაღაც არიონ, ქაოსი მოაწყონ. არ გინდათ და ხელს არ აწერთ. ატყუებთ ხალხს, ეს ხალხი არ ტყუვდება და რამდენჯერ უნდა სცადოთ?“ - მიმართა მდინარაძემ რომან გოცირიძეს.

ცნობისთვის, ფრაქცია „ნაციონალური მოძრაობის“ თავმჯდომარე რომან გოცირიძე უმრავლესობას მოუწოდებს დაჩქარებული წესით განიხილონ დეპუტატ ეკა ბესელიას ინიციატივა, რომელიც საარჩევნო კოდექსში ცვლილებებს ითვალისწინებს. მისივე განცხადებით, ამავე ცვლილებებში შეიძლება ჩაიწეროს ის საკითხი, რის დარეგულირებასაც უმრავლესობა მემორანდუმით ითხოვს.

ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო