რატი იონათამიშვილი სააკაშვილზე - რაც უფრო მეტად იაქტიურებს, მით უფრო დამაზიანებელი იქნება კრიმინალური და რადიკალური ოპოზიციისთვის

საპარლამენტო უმრავლესობის წევრის, რატი იონათამიშვილის განცხადებით, რაც უფრო ბევრს ილაპარაკებს მიხეილ სააკაშვილი, მით უფრო დამაზიანებელი იქნება „კრიმინალური ოპოზიციისთვის, რომელსაც მისი ნოსტალგია გააჩნია“.

როგორც დეპუტატმა ჟურნალისტებს განუცხადა, სააკაშვილის განცხადებებზე კომენტარის გაკეთება უხერხულია.

„ეს ადამიანი იმდენად დეგრადირდა, სერიოზულად მისი განცხადებების მიღება და ამაზე კომენტარების გაკეთება არის საკმაოდ უხერხული. ცხადია, მას არ გააჩნია არც იმის პოტენციალი და რესურსი, რომ რაიმე ზიანი მიაყენოს საქართველოსა და უკრაინის ურთიერთობებს, უბრალოდ ერთი არის ფაქტი, რასაც ჩვენი საზოგადოება ძალიან კარგად ხედავს, რაც უფრო მეტს ილაპარაკებს ეს ადამიანი და რაც უფრო მეტად იაქტიურებს, მით უფრო დამაზიანებელი იქნება იმ კრიმინალური და რადიკალური ოპოზიციისთვის, რომელსაც მისი ნოსტალგია გააჩნია“, - განაცხადა იონათამიშვილმა.

რაც შეეხება გავრცელებულ ინფორმაციას, რომ ოპოზიციური ერთობა „ძალა ერთობაშია“ შეიძლება დაიშალოს, მისი თქმით, ამას „არც მათთვის და არც საზოგადოებისთვის არანაირი მნიშვნელობა არ აქვს“.

გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ქართული პრესის მიმოხილვა 03.08.2020
ალექსანდრე თვალჭრელიძე -  გაბრაზებული ამომრჩევლები ხმას მცირე პარტიებს მისცემენ, პარლამენტის გასაღები სწორედ მცირე პარტიების და  ახალი სახეების ხელშია
„ციტადელი“ მომხმარებელს ახალ შოურუმში ეპატიჟება
როგორ ვისარგებლოთ თიბისი ფეის აპლიკაციით
კრედო ბანკსა და ევროპის საინვესტიციო ბანკს შორის მიკრო, მცირე და საშუალო ბიზნესების ხელშესაწყობად 36 მილიონი ლარის მოცულობის საფინანსო ხელშეკრულება გაფორმდა