სომხეთის თავდაცვის სამინისტრო აზერბაიჯანის მხრიდან სროლების შედეგად, კიდევ ორი სამხედროს გარდაცვალების შესახებ იუწყება. ამ დროისთვის, სომხეთის არმიას ოთხი დაღუპული ჰყავს. ამის შესახებ ინფორმაციას „რია ნოვოსტი“ ავრცელებს.

„აზერბაიჯანის მხრიდან, სროლების შედეგად, სომხეთ-აზერბაიჯანის საზღვრის ჩრდილო-აღმოსავლეთის მონაკვეთზე სასიკვდილო ჭრილობები მიიღეს უმცროსმა სერჟანტებმა სმბათ გაბრიელიანმა და გრიშა მატევოსიანმა“ , - ნათქვამია უწყების მიერ გავრცელებულ ინფორმაციაში.

მანამდე, უწყებამ გაავრცელა ინფორმაცია მაიორ გარუშ ამბარცუმიანისა და კაპიტან სოსა ელბაქიანის გარდაცვალების თაობაზე.

სომხეთ-აზერბაიჯანის საზღვარზე საბრძოლო შეტაკებები 12 ივლისიდან მიმდინარეობს.