ჯეიმს აპატურაი - შეშფოთებით ვადევნებთ თვალს სომხეთისა და აზერბაიჯანის საზღვარზე განვითარებულ მოვლენებს, მხარეებმა ყველა აუცილებელ ზომას უნდა მიმართონ შემდგომი ესკალაციის აღსაკვეთად

კავკასიასა და ცენტრალურ აზიაში ნატო-ს გენერალური მდივნის სპეციალური წარმომადგენელი ჯეიმს აპატურაი სომხეთ-აზერბაიჯანის საზღვარზე ბოლო დროს განვითარებულ მოვლენებს ეხმაურება.

როგორც აპატურაი აღნიშნავს, კონფლიქტის მხარეებმა ყველა აუცილებელ ზომას უნდა მიმართონ შემდგომი ესკალაციის აღსაკვეთად.

„ჩვენ შეშფოთებით ვადევნებთ თვალს სომხეთისა და აზერბაიჯანის ორმხრივ საზღვარზე განვითარებულ მოვლენებს, რომელშიც ხდება მძიმე შეიარაღების გამოყენება და რასაც შედეგად ადამიანების დაღუპვა მოსდევს. ჩვენ ვიმეორებთ მინსკის ჯგუფის თავმჯდომარეების მოწოდებებს, რომ ყველა მხარემ ყველა აუცილებელ ზომას მიმართოს შემდგომი ესკალაციის აღსაკვეთად“ , - წერს აპატურაი „ფეისბუქის“ საკუთარ გვერდზე.

შეგახსენებთ, რომ დაპირისპირება სომხეთ-აზერბაიჯანის საზღვარზე 12 ივლისს დაიწყო. მხარეები ცეცხლის გახსნაში ერთმანეთს ადანაშაულებენ. ორივე მხარეს არის მსხვერპლი.

გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ქართული პრესის მიმოხილვა 03.08.2020
ალექსანდრე თვალჭრელიძე -  გაბრაზებული ამომრჩევლები ხმას მცირე პარტიებს მისცემენ, პარლამენტის გასაღები სწორედ მცირე პარტიების და  ახალი სახეების ხელშია
„ციტადელი“ მომხმარებელს ახალ შოურუმში ეპატიჟება
როგორ ვისარგებლოთ თიბისი ფეის აპლიკაციით
კრედო ბანკსა და ევროპის საინვესტიციო ბანკს შორის მიკრო, მცირე და საშუალო ბიზნესების ხელშესაწყობად 36 მილიონი ლარის მოცულობის საფინანსო ხელშეკრულება გაფორმდა