აზერბაიჯანში ბოლო დღე-ღამეში კორონავირუსის 543 ახალი შემთხვევა გამოვლინდა. ინფორმაციას მინისტრთა კაბინეტთან არსებული ოპერატიული შტაბი ავრცელებს.

მათივე ცნობით, ბოლო დღე-ღამეში, ქვეყანაში კოვიდ-19-ს კიდევ 6 პაციენტი ემსხვერპლა, გამოჯანმრთელდა 510 ადამიანი.

14 ივლისის მდგომარეობით, აზერბაიჯანში სულ 25 113 ადამიანი დაინფიცირდა ვირუსით. მათგან 16 150 პაციენტი გამოჯანმრთელდა, 319 შემთხვევა კი ლეტალურად დასრულდა. ამჟამად მკურნალობა 8 644 პაციენტს უტარდება.