ჩრდილოეთ მაკედონიაში 15 ივლისს საპარლამენტო არჩევნები გაიმართება. საზოგადოებრივი აზრის გამოკითხვებში გამოკვეთილი ლიდერები არიან მმართველი „მაკედონიის სოციალ-დემოკრატიული კავშირი“ და მთავარი ოპოზიციური პარტია „მაკედონიის შიდა რევოლუციური ორგანიზაცია“.

კორონავირუსის პანდემიის ფონზე ხალხის ნაკადის შესამცირებლად, ქვეყანაში საარჩევნო უბნები წელს ორი საათით მეტ ხანს იქნება ღია. ხმის მიცემის პროცესი დილის 07:00 საათზე დაიწყება და საღამოს 09:00 საათამდე გასტანს.

საპარლამენტო არჩევნები 12 აპრილს იგეგმებოდა, თუმცა კორონავირუსის გავრცელების გამო გადაიდო. ამ დროისთვის ჩრდილოეთ მაკედონიაში კორონავირუსის 8 332 შემთხვევაა გამოვლენილი, 390-მდე ადამიანი კი გარდაიცვალა.