წიგნის - „რელიგიის თავისუფლება საქართველოსა და საერთაშორისო კანონმდებლობით“ პრეზენტაცია გაიმართა

დღეს, სიმონ ჯანაშიას სახელობის საქართველოს ეროვნული მოზეუმის შიდა ეზოში, რელიგიის საკითხთა სახელმწიფო სააგენტოს ახალი გამოცემის, „რელიგიის თავისუფლება საქართველოსა და საერთაშორისო კანონმდებლობით“ პრეზენტაცია გაიმართა.

რელიგიის საკითხთა სახელმწიფო სააგენტოს ინფორმაციით, პრეზენტაციაზე მოწვეულნი იყვნენ საქართველოს ხელისუფლების, სხვადასხვა რელიგიური ორგანიზაციების, სასამართლო ხელისუფლებისა და აკადემიური წრეების წარმომადგენლები.

„წიგნში - „რელიგიის თავისუფლება საქართველოსა და საერთაშორისო კანონმდებლობით“ პირველადაა თავმოყრილი სინდისისა და რელიგიის თავისუფლების საკითხებზე არსებული ყველა ძირითადი ქართული თუ საერთაშორისო საკანონმდებლო აქტი, სხვადასხვა საერთაშორისო ორგანიზაციების, გაეროს, ევროსაბჭოს, ეუთოს, ვენეციის კომისიისა და ოსლოს კოალიციის დოკუმენტები რელიგიის თავისუფლების შესახებ; ასევე, ადამიანის უფლებათა და ძირითად თავისუფლებათა ევროპული სასამართლოს მიერ განხილული საქმეები და გადაწყვეტილებები რელიგიის თავისუფლების შესახებ; მოცემულია სხვადასხვა ქვეყნების, მათ შორის, ევროკავშირის წევრი სახელმწიფოების კანონმდებლობა“,- აღნიშნულია ინფორმაციაში.

მათივე ცნობით, პრეზენტაციის მონაწილეებს სიტყვით მიმართა რელიგიის საკითხთა სახელმწიფო სააგენტოს თავმჯდომარემ, ზაზა ვაშაყმაძემ, რომელმაც ხაზი გაუსვა გამოცემის მნიშვნელობას.

„რელიგიის თავისუფლების სფეროში ადამიანის უფლებების რეგულირების თაობაზე ქართული თუ თარგმნილი მასალა, ასე ერთად თავმოყრილი, პირველად გამოიცა და ის ნათლად მიანიშნებს ახალგაზრდა ქართული დემოკრატიის, ქართული სახელმწიფოს რელიგიური პოლიტიკის ძირითად მიმართულებებზე, სახელმწიფოს დამოკიდებულებაზე რელიგიური მრავალფეროვნების მიმართ. სხვათა შორის, გამოცემაში მოყვანილი ცხრილი - სტატისტიკა ქვეყნების მიხედვით - იმის დასტურია, რომ საქართველოს რელიგიური უფლებების დაცვის თვალსაზრისით, ერთ-ერთი მოწინავე პოზიცია უკავია“,- განაცხადა მან.

პრეზენტაციაზე მოწვეულ სტუმრებს სიტყვებით მიმართეს იუსტიციის მინისტრის მოადგილე მიხეილ სარჯველაძემ და იურიდიულ მეცნიერებათა დოქტორმა პროფესორმა ავთანდილ დემეტრაშვილმა რომლებმაც ხაზი გაუსვეს პუბლიკაციის მნიშვნელობას და რელიგიის სააგენტოს წვლილს სინდისისა და რელიგიის თავისუფლების სფეროში არსებული საკანონმდებლო აქტების პოპულარიზების საქმეში.

უწყების ცნობით, პრეზენტაციის მონაწილეებს წიგნი საჩუქრად გადაეცათ.

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)