დონალდ ტრამპის ადმინისტრაციამ უცხოელი სტუდენტების ქვეყანაში დარჩენის აკრძალვასთან დაკავშირებით გადაწყვეტილება შეცვალა

აშშ-ის პრეზიდენტის დონალდ ტრამპის ადმინისტრაციამ უარი თქვა გეგმაზე, რომლის თანახმადაც, იმ სასწავლო დაწესებულებების უცხოელ სტუდენტებს, რომლებიც კორონავირუსის პანდემიის გამო სწავლების ონლაინ რეჟიმზე გადავიდნენ, აშშ-ში ყოფნის უფლება აღარ ექნებათ, - ამის შესახებ ინფორმაციას „როიტერსი“ ავრცელებს.

სააგენტოს ცნობით, აშშ-ის უნივერსიტეტებსა და კოლეჯებში მილიონზე მეტი სტუდენტი სწავლობს და ბევრი სასწავლო დაწესებულება უცხოელი სტუდენტების მიერ გადახდილ სწავლის საფასურისგან მიღებულ შემოსავალზეა დამოკიდებული.

შეგახსენებთ, რამდენიმე დღის წინ ცნობილი გახდა, რომ აშშ-ში მყოფ უცხოელ სტუდენტებს, რომელთა სასწავლო დაწესებულებები სწავლების მხოლოდ დისტანციურ რეჟიმზე გადავიდნენ, ქვეყანაში დარჩენის უფლება აღარ ექნებოდათ. აშშ-ის საიმიგრაციო და საბაჟო აღსრულების დეპარტამენტის განმარტებით, იმ მოქალაქეებს, რომლებიც აღნიშნულ წესს არ დაიცავდნენ, დეპორტაცია დაემუქრებოდათ. აღნიშნული გადაწყვეტილების გამო, რადენიმე სასწავლო დაწესებულებამ, მათ შორის ჰარვარდის უნივერსიტეტმა და მასაჩუსეტსის ტექნოლოგიურმა ინსტიტუტმა (MIT), დონალდ ტრამპის ადმინისტრაციას სასამართლოში უჩივლა.

ვაჟა ბერიძე -  „ნაციონალებს“ და მის მოკავშირეებს ელექტორატის ნახევარზე მეტი არ უჭერს მხარს, ხოლო 50%,  ვისაც არჩევანი გაკეთებული არ აქვს, „ოცნების“, დასავლელი პარტნიორებისა და საზოგადოების მთავარი პრობლემაა
ქართული პრესის მიმოხილვა 14.08.2020
აგვისტოს ომიდან 12 წლის შემდეგაც საქართველო დგას რუსული აგრესიის წინაშე
ირმა ინაშვილი საქართველოსა და აშშ-ის ხელისუფლებას მოუწოდებს, IRI-სა და NDI-ს საქართველოში კვლევების ჩატარება და გამოქვეყნება აეკრძალოთ
„თიბისის" პერსონალური საბანკო მომსახურება ტრანსფორმაციის ეტაპზე გადავიდა
Wolt და Mastercard ბათუმში გელიან!