იაპონიაში, ოკინავას კუნძულზე განლაგებულ აშშ სამხედრო ბაზებზე, კორონავირუსის 36 ახალი შემთხვევა დადასტურდა და დაინფიცირებულთა საერთო რაოდენობა 136-მდე გაიზარდა, - ამის შესახებ ინფორმაციას „როიტერსი“ ადგილობრივ მედიაზე დაყრდნობით ავრცელებს.
იაპონიის თავდაცვის მინისტრის, ტარო კონოს განცხადებით, კორონავირუსის შემთხვევების გავრცელება იაპონიაში მდებარე აშშ სამხედრო ბაზებზე „უკიდურესად სერიოზული“ ფაქტია.
CNN-ის ინფორმაციით, ოკინავას გუბერნატორი დენი ტამაკი დღეს ტოკიოში ჩასვლას და აღნიშნული საკითხის ცენტრალური ხელისუფლების წარმომადგენლებთან განხილვას გეგმავს.