ჩინეთი აშშ-ს დაწესებული სანქციების გამო საპასუხო ნაბიჯით ემუქრება

ჩინეთის საგარეო საქმეთა სამინისტრო მკაცრად გმობს აშშ-ის მიერ ჩინეთისთვის დაწესებულ სანქციებს და საპასუხო ნაბიჯებით იმუქრება, - „ალ-ჯაზირას“ ინფორმაციით, ამის შესახებ ჩინეთის საგარეო საქმეთა სამინისტროს მიერ გავრცელებულ განცხადებაშია აღნიშნული.

”მკაცრად ვგმობთ და ვეწინააღმდეგებით ჩინეთის ოფიციალურ პირებსა და ბანკებზე დაწესებულ სანქციებს. ჩინეთი საპასუხო ნაბიჯებს გადადგამს, რომელიც აუცილებელია მისი ლეგიტიმური ინტერესების დასაცავად და აშშ-ს შესაბამის კერძო პირებსა და ორგანიზაციებს სანქციებს დაუწესებს,“- აღნიშნულია განცხადებაში.

შეგახსენებთ, აშშ-ის პრეზიდენტმა, დონალდ ტრამპმა განაცხადა, რომ ხელი მოაწერა განკარგულებას ჰონგ-კონგის სპეციალური სტატუსის გაუქმების შესახებ. პრეზიდენტმა განმარტა, რომ აღნიშნული გადაწყვეტილება ჩინეთის დასასჯელად, მის მიერ ჰონგ-კონგთან დაკავშირებით მიღებული უსაფრთხოების ახალი კანონის გამო, მიიღო. გარდა ამისა, დონალდ ტრამპმა ხელი მოაწერა აშშ-ის კონგრესის მიერ დამტკიცებულ კანონპროექტს სანქციების დაწესების შესახებ. განკარგულების თანახმად ბანკებს, რომლებიც თანამშრომლობენ ჩინეთის ხელისუფლების იმ წარმომადგენლებთან, რომლებიც უსაფრთხოების ახალ კანონს ახორციელებენ, სანქციები დაუწესდებათ.

გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ქართული პრესის მიმოხილვა 03.08.2020
ალექსანდრე თვალჭრელიძე -  გაბრაზებული ამომრჩევლები ხმას მცირე პარტიებს მისცემენ, პარლამენტის გასაღები სწორედ მცირე პარტიების და  ახალი სახეების ხელშია
„ციტადელი“ მომხმარებელს ახალ შოურუმში ეპატიჟება
როგორ ვისარგებლოთ თიბისი ფეის აპლიკაციით
კრედო ბანკსა და ევროპის საინვესტიციო ბანკს შორის მიკრო, მცირე და საშუალო ბიზნესების ხელშესაწყობად 36 მილიონი ლარის მოცულობის საფინანსო ხელშეკრულება გაფორმდა