ინდოეთში კორონავირუსის 29 429 ახალი შემთხვევა დადასტურდა, რაც ქვეყნისთვის რეკორდულად მაღალი დღიური მაჩვენებელია, - შესაბამის მონაცემებს CNN-ი ქვეყნის ჯანდაცვის სამინისტროზე დაყრდნობით ავრცელებს.
ამავე მონაცემების თანახმად, ინდოეთში, გასული დღე-ღამის განმავლობაში, კოვიდ 19-ს კიდევ 582 ადამიანის სიცოცხლე ემსხვერპლა.
ქვეყანაში, საერთო ჯამში, კორონავირუსის 936 181 შემთხვევაა დადასტურებული, აქედან გამოჯანმრთელებულია დაახლოებით 600 000 და დაღუპულია - 24 309 ადამიანი.
ცნობისათვის, კოვიდინფიცირებულების რაოდენობით ინდოეთი მესამე ადგილზე დგას მსოფლიოში აშშ-სა და ბრაზილიის შემდეგ.