სომხეთის თავდაცვის სამინისტრო - 10 დაშავებული სამხედროდან ერთი კრიტიკულ მდგომარეობაშია

სომხეთ-აზერბაიჯანის საზღვარზე განხორციელებული სამხედრო ოპერაციების დროს 10 სომეხი ჯარისკაცი დაშავდა, - სომხური მედიის ინფორმაციით, ამის შესახებ სომხეთის თავდაცვის სამინისტროს პრესსპიკერმა შუშან სტეპანიანმა განაცხადა.

მისივე თქმით, ათი დაშავებული სამხედროდან ერთის ჯანმრთელობის მდგომარეობა კრიტიკულია.

„ათ სამხედრო მოსამსახურეს სხვადასხვა ხარისხის ჭრილობები აქვს მიყენებული. მათ სამედიცინო მკურნალობა უტარდებათ. ერთი სამხედრო მოსამსახურე კრიტიკულ მდგომარეობაშია, ხუთის მდგომარეობა - საშუალოა, თუმცა დადებითი დინამიკა აღენიშნებათ. დანარჩენები კი სამხედრო სამსახურს მომავალი კვირის განმავლობაში დაუბრუნდებიან,“- განაცხადა შუშან სტეპანიანმა.

შეგახსენებთ, სომხეთ-აზერბაიჯანის საზღვარზე, თოვუზის რეგიონში დაპირისპირება 12 ივლისს გამწვავდა. საბრძოლო მოქმედებების განახლებაში სომხეთი და აზერბაიჯანი ერთმანეთს ადანაშაულებენ. ცოცხალი ძალის დანაკარგი ორივე მხარემ განიცადა.

ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო