სერგი კაპანაძე უმრავლესობას - დროებითი მმართველის დანიშვნით მიიღებთ კატასტროფას ბიზნესსექტორში

ევროპული საქართველოს“ წევრის, სერგი კაპანაძის განცხადებით, „ელექტრონული კომუნიკაციის შესახებ“ კანონში ცვლილებების შედეგად საქართველოში ტელეკომუნიკაციის სფეროში სერიოზული ინვესტორი აღარ შემოვა. აღნიშნულის შესახებ მან პლენარულ სესიაზე განაცხადა, სადაც „ელექტრონული კომუნიკაციის შესახებ“ კანონში ცვლილებებს განიხილავენ.

კაპანაძის თქმით, ხელისუფლებას ცვლილებებით სურს, რომ ამ სექტორში არსებული კომპანიები დაიმორჩილოს.

„თქვენ ახლა ამბობთ, რომ ბატონ ბექაურს აქვს უფლებამოსილება, თუ აქ მყოფი ოპერატორის მშობელი კომპანია წილებს გაყიდის და მას არ შეატყობინებს, კომპანია დააჯარიმოს და შეიყვანოს იქ დროებითი მმართველი. მიგაჩნიათ, რომ დიდი კომპანიები, რომლებიც ბირჟაზე არიან, ასე უნდა საქმიანობდნენ საქართველოში? ეს არის გამორიცხული, ამიტომ როგორც „თელიასონერა“ წავიდა, ზოგადად, როგორც ქვეყანაში ინვესტიციები იკლებს, ასევე, ამ კანონის მიღების მერე მიიღებთ ორ შედეგს მხოლოდ - ერთი იქნება ის, რომ ინვესტორები საქართველოში აღარ შემოვლენ და მეორე შედეგი იქნება ის, რომ გექნებათ უამრავი საერთაშორისო დისპუტი საერთაშორისო არბიტრაჟებში, რომელთაც წააგებთ. ოღონდ თქვენ სხვა რამ გაღელვებთ, თქვენთვის კარგს რასაც მიიღებთ ის არის, რომ ჩაიგდებთ ხელში ბერკეტებს, რომ კომპანიები, რომლებიც ტელეკომუნიკაციის სექტორში არიან, ბოლომდე გყავდეთ დამორჩილებული. ეს არის თქვენი ამოცანა, სხვანაირად შეუძლებელია აიხსნას, რატომ იყო ეს ასე სწრაფად შემოტანილი, რატომ მოითხოვეთ დაჩქარებული განხილვა, პროცედურების დარღვევით უყარეთ კენჭი გუშინ ისე, რომ ტექსტიც კი არ გქონდათ. შედეგად მიიღებთ კატასტროფას ამ სექტორში, ისევე როგორც ენერგეტიკის სექტორში,“- განაცხადა კაპანაძემ.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება