სომხეთმა საჰაერო სამხედრო მორიგეობა დაიწყო, რისთვისაც ჰაერში ორი სამხედრო გამანადგურებელი თვითმფრინავი СУ-30СМ გაუშვა. ამის შესახებ სომხური მედია ქვეყნის მთავრობის განცხადებაზე დაყრდნობით წერს.
მათი ინფორმაციით, გამანადგურებელი თვითმფრინავების გაშვება ქვეყნის საჰაერო საზღვრის დაცვის ზომებს უკავშირდება.
სომხეთის თავდაცვის სამინისტროს პრესმდივნის შუშან სტეფანიანის განცხადებით, „ზეთანამედროვე გამანადგურებლების საბრძოლო მორიგეობა მუდმივ ხასიათს მიღებს“.
სომხეთსა და აზერბაიჯანს შორის ურთიერთობა კვირას, 12 ივლისს დაიძაბა. შეტაკების შედეგად სომხეთის 4, აზერბაიჯანის 11 სამხედრო მოსამსახურე დაიღუპა.