ბრაზილიის პრეზიდენტმა ჟაირ ბოლსონარუმ კორონავირუსზე განმეორებითი ტესტი ჩაიტარა, რომლის პასუხი კვლავ დადებითი აღმოჩნდა, - ამის შესახებ ინფირმაციას „როიტერსი“ ავრცელებს.
სააგენტოს ცნობით, ბოლსონარუმ სოციალური ქსელის საშუალებით ვიდეო მიმართვა გაავრცელა და განაცხადა, რომ თავს კარგად გრძნობს და ვირუსის სიმპტომები კვლავ არ აღენიშნება.
„თავს კარად ვგრძნობ. თავიდანვე ჰიდროქსიქლოროქინით მკურნალობა დავიწყე, თავი მეორე დღესვე კარგად ვიგრძენი. არ ვიცი, დამთხვევა იყო თუ არა, მაგრამ ჩემზე კარგად იმოქმედა,“ - განაცხადა ბრაზილიის პრეზიდენტმა.
შეგახსენებთ, ჟაირ ბოლსონარუს კორონავირუსი 7 ივლისს დაუდასტურდა. მან რამდენიმე დღის წინ განაცხადა, რომ კარანტინში ყოფნა მობეზრდა და განმეორებითი ტესტის ჩაბარებას აპირებდა.