გიორგი გახარიას განცხადებით, „განათლების სამინისტრო თავისი გამოცდით მივა“ „კოვიდ-19“-ით ინფიცირებულ აბიტურიენტთან, რათა მან წელი არ დაკარგოს

პრემიერ-მინისტრის გიორგი გახარიას განცხადებით, „განათლების სამინისტრო თავისი გამოცდით მივა“ „კოვიდ-19“-ით დაინფიცრებულ აბიტურიენტთან იმისთვის, რომ მან არ დაკარგოს ერთი წელი. ამის შესახებ მან მთავრობის სხდომაზე განაცხადა.

„მოგეხსენებათ, რომ მიმდინარეობს გამოცდები, აბიტურიენტები და მათი მშობლები საკმაოდ დაძაბულები არიან. ინფექციის და საგანგებო მდგომარეობის მიუხედავად, სამინისტრო კომფორტულ პირობებს უქმნის აბიტურიენტებს. ჩვენ გვქონდა ერთი შემთხვევა, როცა ერთი აბიტურიენტი დაინფიცირდა და დღეს ის მკურნალობს. რა თქმა უნდა, მის ჯანმრთელობის მდგომარეობას საფრთხე არ ემუქრება. ჩვენ გავერკვიეთ და ეს არის ერთ-ერთი წარჩინებული მოსწავლე, მას დარჩა ერთი გამოცდა და ჩვენ საბჭოზე მივიღეთ გადაწყვეტილება, რომ ის ამ დარჩენილ ერთ გამოცდასაც ჩააბარებს, ოღონდ მკურნალობის პირობებში. ეს არის შეთანხმებული როგორც ეპიდემიოლოგებთან, ასევე ექიმებთან და განათლების სამინისტრო თავისი გამოცდით მივა აბიტურიენტთან იმისთვის, რომ მან არ დაკარგოს ერთი წელი და შეეძლოს გააგრძელოს სწავლა, როგორც წარჩინებულმა სტუდენტმა,“ - განაცხადა გიორგი გახარიამ.

შეგახსენებთ, რომ კორონავირუსი აბიტურიენტს 7 ივლისს დაუდასტურდა.

იხილეთ ვიდეო:ჩააბარებს თუ არა დარჩენილ გამოცდებს აბიტურიენტი, რომელსაც კორონავირუსი დაუდგინდა - გიორგი გახარიას გადაწყვეტილება

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა