ეკა ბესელია - „ფეისბუქის“ გადაწყვეტილება ერთგვარი დამზღვევი უნდა გახდეს, რომ ოდნავ მაინც შერბილდეს აგრესიული სოციალური ომი

„ფეისბუქის“ გადაწყვეტილება ერთგვარი დამზღვევი უნდა გახდეს, რომ ოდნავ მაინც შერბილდეს ის აგრესიული სოციალური ომი, რომელსაც ხელისუფლება ოპონენტების წინააღმდეგ წინასაარჩევნოდ აწარმოებს, - ამის შესახებ დამოუკიდებელმა დეპუტატმა, ეკა ბესელიამ, ჟურნალისტებს განუცხადა, რითაც გამოეხმაურა „ფეისბუქის“ გადაწყვეტილებას წინასაარჩევნო პერიოდში პოლიტიკური რეკლამების განთავსების თაობაზე.

ბესელიას თქმით, „ფეისბუქის“ ეს გადაწყვეტილება დამაიმედებელი და დამამშვიდებელია.

„ფეისბუქის“ გადაწყვეტილება დამაიმედებელი და დამამშვიდებელია იმ ცილისმწამებლური და ზღვარგადასული პროპაგანდის ფონზე, რომელიც ძალიან მარჯვედ გამოიყენა „ქართულმა ოცნებამ“ ოპონენტების წინააღმდეგ. ის რესურსი, რაც მათ სოციალურ ქსელში დახარჯეს, საერთაშორისო მედიის ყურადღების ქვეშ მოექცა, როდესაც „ფეისბუქმა“„ქართულ ოცნებასთან“ დაკავშირებული ასეულობით ყალბი გვერდი გააუქმა. ეს იყო ოპონენტების წინააღმდეგ შექმნილი არამხოლოდ შეურაცხმყოფელი გვერდები, არამედ ძალიან სახიფათო ანტიდასავლური განწყობების მატარებელი. ეს აძლიერებს განცდას, რომ „ქართულ ოცნებას“ არეული აქვს საგარეო ვექტორი, ამიტომ ეს გადაწყვეტილება ჩვენთვის, ყველასთვის, ვინც სხვადასხვა დროს გავხდით ასეთი ცილისმწამებლური და მასირებული შეტევის მსხვერპლი, ერთგვარი დამზღვევი უნდა გახდეს, რომ ოდნავ მაინც შერბილდეს ის აგრესიული სოციალური ომი, რომელსაც ხელისუფლება ოპონენტების წინააღმდეგ წინასაარჩევნოდ აწარმოებს. თუ ეს ყველაფერი მოექცევა გარკვეული კონტროლისა და დაცული სტანდარტების ფარგლებში, ცხადია, ეს ცოტათი მაინც შეამსუბუქებს საარჩევნო კამპანიის პერიოდს,“ - განაცხადა ბესელიამ.

ცნობისთვის, „ფეისბუქის“ გადაწყვეტილებით, 2020 წლის აგვისტოდან საქართველოში საარჩევნო და პოლიტიკური რეკლამების ავტორიზაცია სავალდებულო გახდება. მანამდე არასამთავრობო ორგანიზაციებმა და მედიის წარმომადგენლებმა „ფეისბუქს“ მიმართეს, წინასაარჩევნოდ ხელმისაწვდომი გახადოს პოლიტიკური რეკლამების ბიბლიოთეკა.

„ეს გამჭვირვალობის წარმოუდგენლად მაღალ დონეს შექმნის და მომხმარებლებს ეცოდინებათ, ვინ ცდილობს მათ გადაწყვეტილებაზე ზეგავლენის მოხდენას და რატომ,” - აღნიშნულია ცენტრალურ და აღმოსავლეთ ევროპაში ფეისბუქის საჯარო პოლიტიკის დირექტორის საპასუხო წერილში.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია