პიტერ ვიბლერი - კმაყოფილები ვართ სახელმწიფო ინსპექტორის სამსახურის პროგრესით

USAID საქართველოს მისიის დირექტორის, პიტერ ვიბლერის განცხადებით, მონაცემთა დაცვა და პირადი ცხოვრების ხელშეუხებლობა ძალიან მნიშვნელოვანი საკითხია საქართველოსთვის და ზოგადად, დემოკრატიისთვის მთელს მსოფლიოში.

როგორც მან სახელმწიფო ინსპექტორის სამსახურის საქმიანობის 2019 წლის ანგარიშის წარდგენისას აღნიშნა, ისინი ,,პერსონალურ მონაცემთა დაცვის შესახებ’’ საქართველოს კანონპროექტს დიდი ინტერესით აკვირდებიან და იმედოვნებენ, რომ პარლამენტი ძალიან მალე მიიღებს ამ კანონს.

,,დღევანდელი დღე ძალიან მნიშვნელოვანია საქართველოსთვის და სახელმწიფო ინსპექტორის სამსახურისთვის, რამეთუ ის ეხება მონაცემთა დაცვას და პირადი ცხოვრების ხელშეუხებლობას ქვეყანაში. აშშ-ის საერთაშორისო განვითარების სააგენტო ამაყობს, რომ სახელმწიფო ინსპექტორის ძლიერი მხარდამჭერია. ჩვენ შევძელით, გაგვეწია ტექნიკური მხარდაჭერა ამ ახალი ინსტიტუტის გაძლიერების მიზნით და ძალიან მოხარულები ვართ, რომ დასაწყისიდანვე ვთანამშრომლობდით სახელმწიფო ინსპექტორის სამსახურთან.

მონაცემთა დაცვა და პირადი ცხოვრების ხელშეუხებლობა ძალიან მნიშვნელოვანი საკითხია საქართველოსთვის და ზოგადად დემოკრატიისათვის მთელს მსოფლიოში, რამეთუ ჩვენ ვცდილობთ, რომ მოქალაქეთა უფლებების დაცვის პარალელურად ინფორმაციაზე წვდომის უფლებაც იყოს უზრუნველყოფილი.

ჩვენ კმაყოფილები ვართ სახელმწიფო ინსპექტორის სამსახურის პროგრესით. ჩვენ ასევე ვიცით, რომ პარლამენტი იხილავს ,,პერსონალურ მონაცემთა დაცვის შესახებ’’ საქართველოს კანონპროექტს, რასაც დიდი ინტერესით ვაკვირდებით და იმედს გამოვთქვამთ, რომ პარლამენტი ძალიან მალე მიიღებს ამ პროგრესულ კანონს”, -აცხადებს პიტერ ვიბლერი.

ინფორმაციას სახელმწიფო ინსპექტორის სამსახური ავრცელებს.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია