ვლადიმირ შკოლნიკოვი - სახელმწიფო ინსპექტორის სამსახური არის ძალიან მნიშვნელოვანი ინსტიტუტი საქართველოსთვის, როგორც დემოკრატიული სახელმწიფოსთვის

სახელმწიფო ინსპექტორის სამსახურმა საერთაშორისო ორგანიზაციებს და დიპლომატიურ კორპუსს 2019 წლის საქმიანობის ანგარიში წარუდგინა. ამის შესახებ „ინტერპრესნიუსს“ სახელმწიფო ინსპექტორის აპარატიდან აცნობეს.

სამხრეთ კავკასიაში გაეროს ადამიანის უფლებათა უმაღლესი კომისრის ოფისის უფროსის მრჩევლის, ვლადიმირ შკოლნიკოვის განაცხადებით, აღნიშნული ინსტიტუტი საქართველოსთვის ძალიან მნიშვნელოვანია.

„ეს ახალი ინსტიტუტია, რომელმაც შეინარჩუნა პერსონალურ მონაცემთა დაცვის ფუნქცია და ასევე, შეითავსა ახალი, ძალიან მნიშვნელოვანი ფუნქცია - სამართალდამცავი ორგანოების წარმომადგენელთა და სხვა მოხელეთა მიერ ჩადენილი დანაშაულების დამოუკიდებელი გამოძიება. ეს მნიშვნელოვანია საქართველოსთვის, რადგან წარსულში დამოუკიდებელი გამოძიების კუთხით არსებობდა გარკვეული პრობლემები. გაეროს ადამიანის უფლებათა უმაღლესი კომისრის ოფისი და გაეროში შემავალი სხვა საერთაშორისო და არასამთავრობო ორგანიზაციები ადვოკატირებას უწევდნენ ამ ინსტიტუტის შექმნას. ეს არის ძალიან მნიშვნელოვანი ინსტიტუტი საქართველოსთვის, როგორც დემოკრატიული სახელმწიფოსთვის. გაერო და ადამიანის უფლებათა უმაღლესი კომისრის ოფისი მხარს ვუჭერთ სამსახურის საქმიანობას, რომელიც მართლმსაჯულების მნიშვნელოვანი კომპონენტია და დამატებით ბერკეტს წარმოადგენს ქვეყნის მოქალაქეებისათვის მათი უფლებების დასაცავად“, - განაცხადა ვლადიმირ შკოლნიკოვმა.

იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
ქართული პრესის მიმოხილვა 07.08.2020
გიორგი პერტაია - სავაჭრო პალატა მეწარმეებს ბიზნესის მხარდამჭერ ყველა პროგრამას ერთ ონლაინ პლატფორმაზე სთავაზობს
ახალი Galaxy Note 20 და Note 20 Ultra წინასწარი შეკვეთა დაიწყო
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში