გიორგი რურუას ადვოკატი - მთლად ასეთ უტიფრობას არ ველოდი პროკურორების მხრიდან

მთლად ასეთ უტიფრობას არ ველოდი პროკურორების მხრიდან , - ასე გამოეხმაურა "მთავარი არხის" ერთ-ერთი მეწილის, ბრალდებულ გიორგი რურუას ადვოკატი დიმიტრი საძაგლიშვილი ბრალდების მხარის დასკვნით სიტყვას.

როგორც ადვოკატი განმარტავს, პროკურორი საკუთარ დასკვნით სიტყვაში შაბლონური ფრაზებით შეეცადა ეთქვა, რომ რურუას მხრიდან დანაშაულის ჩადენას ჰქონდა ადგილი.

"ჩვენ მზად ვიყავით ტყუილების მოსასმენად, იმიტომ რომ ბრალდებას სხვა არაფერი დარჩენოდა გარდა იმისა, რომ დასკვნით სიტყვაში მოეტყუა. თუკი, აქამდე პოლიციელები იტყუებოდნენ დაკითხვებზე, დღეს უკვე პროკურორის ჯერი დადგა, მას უნდა ეთქვა ტყუილი, ამას უკვე შეგუებული ვიყავით, მაგრამ მთლად ასეთ უტიფრობასაც არ მოველოდით.

მაგალითად, პროკურორი ამტკიცებს, რომ იარაღს მაისურთან მჭიდრო შეხება არ ჰქონდა, მაშინ როცა, მათი ვერსიით, რურუას იარაღი შარვალში ედო, ზემოდან მაისური ეცვა, მაისური ცეცხლსასროლ იარაღს ეხებოდა, რადგან მათი ვერსიით, იარაღის ტარი შარვალზე იყო გადმოსული, ის მანქანაში იჯდა და სავარძელზე მიყუდებული იყო 100-კილოიანი ადამიანი 15 წუთის განმავლობაში. თურმე, ეს მჭიდრო შეხება არ ყოფილა.

რაც შეეხება წამოდგენილ ფარატინა ფურცელს, ჩვენ თავის დროზე გამომძიებელ გიგა დარსაველიძის ანძების ამოღება მოვითხოვეთ, პროკურატურა ჩვენს შუამდგომლობას არ დაეთანხმა. დღეს, ბრალდების მხარემ წარმოადგინა ფარატინა ფურცელი იმ ეტაპზე, როცა მტკიცებულებების გამოკვლევა აღარ ხდება. არც ხელმოწერილი არაა და დღევანდელი თარიღით შეცდენილი ექსელის ცხრილია ამობეჭდილი, რაც ნებისმიერ კომპიუტერზე შეიძლება, გააკეთო. ამიტომ ვამბობ, მთლად ასეთ უტიფრობას არ ველოდი პროკურორების მხრიდან", - განაცხადა საძაგლიშვილმა.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს