რუსეთის საგარეო უწყება დიდი ბრიტანეთის მხრიდან არჩევნებში ჩარევასთან დაკავშირებულ განცხადებას ბუნდოვანსა და წინააღმდეგობრივს უწოდებს

რუსეთის საგარეო უწყება დიდი ბრიტანეთის საგარეო საქმეთა მინისტრის განცხადებას გამოეხმაურა, რომლის თანახმადაც, რუსეთი მათ საპარლამენტო არჩევნებში ჩარევას ცდილობდა. როგორც რუსეთის საგარეო საქმეთა სამინისტროს პრესსპიკერმა მარია ზახაროვამ პრესკონფერენციაზე აღნიშნა, ლონდონის განცხადება 2019 წლის საპარლამენტო არჩევნებში რუსეთის შესაძლო ჩარევასთან დაკავშირებით, არის ბუნდოვანი და წინააღმდეგობრივი.

მისივე თქმით, ბრიტანეთის მხრიდან ამ საკითხთან დაკავშირებით, არანაირი მტკიცებულება არ ყოფილა წარმოდგენილი.

„განცხადება იმდენად ბუნდოვანი და საკამათოა, რომ მისი გაგება პრაქტიკულად შეუძლებელია. თუკი საუბრობ, წარმოადგინე ფაქტებიც. ურთიერთგამომრიცხავია, როცა არანაირ დამადასტურებელ ფაქტებს არ წარმოადგენ, მაგრამ ამასთან შესაძლო საპასუხო ზომებზეა საუბარი“, - აღნიშნა მარია ზახაროვამ.

ცნობისთვის, დიდი ბრიტანეთის საგარეო საქმეთა მინისტრის, დომინიკ რააბის განცხადებით, დიდი ბრიტანეთის მთავრობამ თითქმის სრული სიზუსტით დაასკვნა, რომ რუსი აქტორები უკანონოდ მოპოვებული სამთავრობო დოკუმენტების გავრცელების გზით, 2019 წლის არჩევნებში ჩარევას ცდილობდნენ. მისივე თქმით, დიდი ბრიტანეთის დემოკრატიაში ჩარევის ნებისმიერი მცდელობა „სრულიად მიუღებელია“. BBC-ის ინფორმაციით, საუბარია დიდ ბრიტანეთსა და აშშ-ს შორის თავისუფალი ვაჭრობის შესახებ დოკუმენტებზე, რომელიც ინტერნეტ-პლატფორმა Reddit-ზე 2019 წლის არჩევნების წინ გამოქვეყნდა და „ლეიბორისტულმა პარტიამ“ წინასაარჩევნო კამპანიისთვის გამოიყენა.

რააბის განცხადებით, ეროვნული კიბერ უსაფრთხოების ცენტრის დახმარებით დაწყებულია გამოძიება და ლონდონი უფლებას იტოვებს, მსგავს შეტევებს მომავალშიც უპასუხოს.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი