აშშ ევროპელ სტუდენტებს კორონავირუსთან დაკავშირებით დაწესებული სამგზავრო შეზღუდვებისგან ათავისუფლებს, - ამის შესახებ ინფორმაციას „როიტერსი“ აშშ-ის სახემლწიფო დეპარტამენტზე დაყრდნობით ავრცელებს.

მათივე ინფორმაციით ევროპის ქვეყნებში მცხოვრები სტუდენტები, რომლებსაც უკვე აქვთ აშშ-ის ვიზები, ქვეყანაში შესვლას თავისუფლად შეძლებენ.

გარდა ამისა, სახლმწიფო დეპარტამენტის ინფორმაციით, ქვეყანაში შესვლის უფლება შესაძლოა, უცხო ქვეყნების იმ მოქალაქეების შვილებსა და მეუღლეებსაც მისცენ, რომლებიც აშშ-ში მუშაობენ.

შეგახსენებთ, რამდენიმე დღის წინ აშშ-ის პრეზიდენტის ადმინისტრაციამ უარი თქვა გეგმაზე, რომლის თანახმადაც სწავლების ონლაინ რეჟიმზე გადასული სასწავლო დაწესებულებების უცხოელ სტუდენტებს ქვეყანა უნდა დაეტოვებინათ.