ირანის ქალაქ ბეჰბაჰანში საპროტესტო აქციის დასაშლელად პოლიციამ ცრემლსადენი გაზი გამოიყენა და რამდენიმე აქტივისტი დააკავა, - ამის შესახებ ინფორმაციას „როიტერსი“ ავრცელებს. სააგენტოს ცნობით, აქციაზე, სადაც ქვეყნის გაუარესებულ ეკონომიკურ მდგომარეობას აპროტესტებდნენ, დემონსტრანტები ანტისამთავრობო სლოგანებსაც სკანდირებდნენ.
გავრცელებული ინფორმაციით, ხუზესტანის პროვინციაში, სადაც ქალაქი ბეჰბაჰანი მდებარეობს, ინტერნეტზე წვდომა შეიზღუდა.
ანტისამთავრობო აქციები ირანში გასულ წელსაც იმართებოდა, სხვადასხვა მონაცემით, ნოემბერში გამართული საპროტესტო აქციების დროს 1000-ზე მეტი ადამიანი დაიღუპა.