კახა კალაძე - ტროტუარები მოწესრიგდება, მძღოლებმა ქვეითებს ხელი არ უნდა შეუშალონ

თბილსის მერის, კახა კალაძის განცხადებით, მიმდინარე წლის ბოლომდე დედაქალაქში არსებული ე.წ. ყვითელი ავტობუსები ახალი, ეკოლოგიურად „ევრო ექვსი“ ტიპის ავტობუსებით ჩანაცვლდება.

როგორც კახა კალაძემ „მდგრადი მობილობა თბილისთვის“ პრეზენტაციაზე განაცხადა, მნიშვნელოვანია ხელმისაწვდომი იყოს განახლებული ავტობუსების პარკი, ამიტომ „ამ მიმართულებით კონკრეტული ნაბიჯები უკვე გადადგმულია, უკვე დაწყებულია ავტობუსების პარკის განახლების პროცესი“.

კალაძის განმარტებით, თბილისის მერიის სატრანსპორტო პოლიტიკის ნაწილია საცობებისა და ჰაერის დაბინძურების შემცირება, რომელიც ქალაქისთვის სერიოზულ პრობლემას წარმოადგენს.

„რა თქმა უნდა, ეს შესაძლებელია მოწესრიგდეს საზოგადოებრივი ტრანპორტის განახლებით, თუმცა მხოლოდ ეს კომპონენტი ვერ მოაგვარებს არსებულ ეკოლოგიურ მდგომარეობას. ამისთვის მთელი რიგი ღონისძიება გვაქვს დაგეგმილი. ეს არის სკვერების, პარკების განახლება-რეაბილიტაცია, ახალი საქალაქო პარკების მშენებლობა, სამშენებლო მიმართულებით რეგულაციების დაწესება იმისთვის, რომ მაქსიმალურად მოვაწესრიგოთ ჰაერის დაბინძურებით არსებული ვითარება. ასევე მნიშვნელოვანია სატრანსპორტო საშუალებათა ახალი იერარქიის ჩამოყალიბება და გადაადგილებისათვის მდგრადი საშუალებების პრიორიტეტის მინიჭება. ყველა ინფრასტრუქტურულ პროექტში, რომელიც ხორციელდება დედაქალაქში, მაქსიმალურად გათვალისწინებულია რეკომენდაციები, რომელიც მოდის ჩვენი უცხოელი ექსპერტების, არასამთავრობო ორგანიზაციების მხრიდან“, - განაცხადა კახა კალაძემ.

ამასთან, თბილისის მერმა ისაუბრა ტროტუარების გაფართოებასა და მოწესრიგებაზე. მისივე განმარტებით, ტროტუარები მოწესრიგდება და ავტომობილებისთვის კონკრეტული გზები იქნება განკუთვნილი, სადაც მძღოლებს შესაძლებლობა ექნებათ იმოძრაონ ისე, რომ ქვეითებს ხელი არ შეუშალონ.

რამაზ საყვარელიძე - არცერთ კვლევაში პატარა პარტიებისკენ არ მიდის ხმები, რადგან ჯერ ისევ „ნაციონალების“ და მისი ვარიაციების მიღება-არმიღებაა მწვავე საკითხი
ქართული პრესის მიმოხილვა 06.08.2020
გიორგი პერტაია - სავაჭრო პალატა მეწარმეებს ბიზნესის მხარდამჭერ ყველა პროგრამას ერთ ონლაინ პლატფორმაზე სთავაზობს
ბიზნესოპერაციები მობილური ტელეფონით - ტერაბანკის მობაილბანკი ბიზნესისთვის
ბუნებრივი რესურსების საკონსულტაციო მომსახურება - კოლიერსის და MMS-ის ერთობლივი პროდუქტი
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა