აჭარაში განათლების სისტემაში კერძო სექტორის ჩართულობა იზრდება

საქართველოს განათლების, მეცნიერების, კულტურისა და სპორტის მინისტრის მოადგილე თამარ ქიტიაშვილი, აჭარის ა/რ განათლების, კულტურისა და სპორტის მინისტრთან, მაია ხაჯიშვილთან და აჭარის ა/რ ტურიზმისა და კურორტების განვითარების დეპარტამენტის წარმომადგენლებთან ერთად, კოლეჯს „ბლექსი“ ეწვია და ადგილობრივ მსხვილ დამსაქმებლებთან, რომლებიც კოლეჯთან აქტიურად თანამშრომლობენ, შეხვედრა გამართა, - ამის შესახებ „ინტერპრესნიუსს“განათლების, მეცნიერების, კულტურისა და სპორტის სამინისტროდან აცნობეს.

მათივე ინფორმაციით, აჭარის რეგიონში ზრდასრულთა განათლების სისტემის გამართვის პროცესში მაღალია რეგიონის მსხვილი დამსაქმებლების ჩართულობა. კოლეჯმა „ბლექსი“ ტურიზმის, მშენებლობისა და ტექსტილის მიმართულებით პროფესიული მომზადებისა და გადამზადების პროგრამის განხორციელება 2019 წლიდან დაიწყო და ერთი წლის თავზე, შესძლო რეგიონის ყველაზე მსხვილი დამსაქმებლების ჩართულობით მომზადება-გადამზადების 19 პროგრამის განხორციელება, რომელიც 170-ზე მეტმა მსმენელმა გაიარა.

შეხვედრაზე, რომელსაც რეგიონში ტურიზმის, მშენებლობისა და ტექსტილის სფეროს ისეთი მსხვილი კერძო კომპანიების წარმომადგენლები ესწრებოდნენ, როგორიცაა ჰილტონ ბათუმი, სამშენებლო კომპანია „ანაგი“, ღვინის რესტორანი-მარანი, შპს ელსტარი და შპს „ფაქსტ თრექ თექსტილი“, ყურადღება დაეთმო ერთწლიანი თანამშრომლობის შეჯამებას, არსებულ გამოწვევებზე მსჯელობასა და სამომავლო თანამშრომლობის შესაძლებლობების განხილვას. მინისტრის მოადგილემ მადლობა გადაუხადა კერძო სექტორის წარმომადგენლებს გაწეული ძალისხმევისთვის და აღნიშნა, რომ პროფესიული განათლების სისტემა მზადაა, ინტენსიური მუშაობა გააგრძელოს კერძო სექტორთან, როგორც მომზადება-გადამზადების პროგრამების, ისე პარტნიორობის სხვა შესაძლებლობების გაღრმავების მიმართულებით.

იქიდან გამომდინარე, რომ თამარ ქიტიაშვილის რეგიონში სტუმრობა პროფესიულ პროგრამებზე რეგისტრაციის პერიოდს დაემთხვა, მან თავად გაუწია მეგზურობა „ღია კარის დღეების“ ფარგლებში კოლეჯში მოსულ აპლიკანტებს და იმ შესაძლებლობებზე ესაუბრა, რომელსაც პროფესიული განათლების სისტემა და კოლეჯი „ბლექსი“ სთავაზობს მათ სადიპლომო მოდულური, დუალური თუ, მოკლევადიანი მომზადება-გადამზადების პროგრამების სახით.

საჯარო-კერძო პარტნიორობის ფარგლებში ბიზნესთან დიალოგი გრძელდება.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო