კორონავირუსით ინფიცირებული 4 ახალი პაციენტიდან ერთი სატვირთო ავტომობილის მძღოლია, 3 კი კარანტინიდანაა

ინფექციური საავადმყოფოს სამედიცინო დირექტორის, მარინა ეზუგბაიას განცხადებით, საქართველოში კორონავირუსით ინფიცირებული 4 ახალი პაციენტიდან ერთი სატვირთო ავტომობილის მძღოლია, სამი კი კარანტინიდანაა, ოთხივე იმპორტირებული შემთხვევაა. მისივე განმარტებით, ჯამში, ინფექციურ საავადმყოფოში 19 კოვიდინფიცირებული მკურნალობს, გამოჯანმრთელდა 2 პაციენტი, რომელიც კლინიკიდან უკვე გაეწერა.

მარინა ეზუგბაიას თქმით, ინფიცირების 1010 შემთხვევას შორის ის სამხედრო მოსამსახურეები არ ითვლებიან, რომლებსაც კორონავირუსი საზღვარგარეთ დაუდგინდათ და ამჟამად საქართველოში იმყოფებიან.

ინფექციური საავადმყოფოს სამედიცინო დირექტორის, თელავის მუნიციპალიტეტის სოფელ ყარაჯალაში კორონავირუსით ინფიცირებული 10 თვის ბავშვის ჯანმრთელობის მდგომარეობა სტაბილურია და ის მკურნალობის კურსს გადის.

„იცით, რომ ის ბავშვთა ინფექციურ საავადმყოფოში მკურნალობს. ბავშვის ზოგადი მდგომარეობა მძიმე არ არის, მასთან დაავადება არ პროგრესირებს და მდგომარეობა სტაბილურია“,- განმარტა ეზუგბაიამ.

იხილეთ ვიდეო: კორონავირუსით ინფიცირებული 4 ახალი პაციენტიდან ერთი სატვირთო ავტომობილის მძღოლია, 3 კი კარანტინიდანაა

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს