მარიანა ჩოლოიანის სასამართლო პროცესზე დღეს 6-საათნახევრიანი ვიდეომასალა გამოიკვლიეს

15 წლის ლუკა სირაძის გარდაცვალების საქმესთან დაკავშირებით დაკავებული გამომძიებლის, მარიანა ჩოლოიანის სასამართლო პროცესზე დღეს 6 საათნახევრიანი ვიდეომასალა გამოიკვლიეს.

როგორც საქმის პროკურორი ლევან ქუთათელაძე აცხადებს, აღნიშნული ვიდეომასალა პოლიციის განყოფილებაში ლუკა სირაძის ყოფნის სრულ პერიოდს ასახავს.

"დღეს მოხდა პოლიციის განყოფილებიდან ამოღებული კამერების ვიდეოჩანაწერების დათვალიერება. ვიდეომასალაში აღწერილია სრული პროცესი. მოგეხსენებათ, არასრულწლოვანი ლუკა სირაძე დაახლოებით 6 საათნახევრის განმავლობაში იმყოფებოდა პოლიციის განყოფილებაში, სადაც მარიანა ჩოლოიანის მხრიდან მის მიმართ განხორციელდა ჩვენების მიცემის იძულება. ვიდეოჩანაწერი რამდენიმე რაკურსით გადაღებულია, რომელსაც ხმა არ აქვს, ეს არის მხოლოდ გამოსახულება. ის სხვა მტკიცებულებებთან ერთად ადასტურებს, რომ ბრალდებულმა ნამდვილად ჩაიდინა ჩვენების მიცემის იძულების ორი ეპიზოდი", - აცხადებს ქუთათელაძე.

ადვოკატ არჩილ შაბაშვილის განმარტებით კი, აღნიშნულ ვიდეომასალაში პოლიციის შენობაში მყოფი პირების გადაადგილება ჩანს მხოლოდ.

"გამოკვლეული იქნა 3 ფაილი, 3 რაკურსით იქნა ვიდეომასალა წარმოდგენილი, თუ რა ხდებოდა იმ საღამოს განყოფიელბაში. ვიდეომასალაში მხოლოდ იმ პირთა გადაადგილება ჩანს, რომლებიც განყოფილებაში იმყოფებოდნენ. როცა ფსიქოლოგიურ ზეწოლაზეა საუბარი, ჟესტიკულაციით ფიზიკურად ვერ მოხდება იმის დადასტურება, ვინ ვისზე ახორციელებს ზეწოლას", - აცხადებს შაბაშვილი.

შემდეგი სასამართლო პროცესი 17 აგვისტოს, 11:00 საათზე დაინიშნა.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა