ლევან კობერიძე მიიჩნევს, რომ "ჯანდაცვის შესახებ" კანონპროექტის არსებული რედაქციით მიღება, გარკვეული ინტერესების გამო დაიბლოკა

პარლამენტის ფრაქცია "დამოუკიდებელი დეპუტატების" წევრი ლევან კობერიძე მიიჩნევს, რომ "ჯანდაცვის შესახებ" კანონპროექტის არსებული რედაქციით მიღება, გარკვეული ინტერესების გამო დაიბლოკა.

კობერიძე ამბობს, რომ სავარაუდოდ, კანონპროექტს კომიტეტში მეორე მოსმენაზე დააბრუნებენ და მნიშვნელოვანწილად შეცვლიან კომპრომისს, რომლის მიღწევაც ამ კანონპროექტთან დაკავშირებით მოხერხდა.

"მესამე მოსმენიდან მოხსნეს „ჯანდაცვის შესახებ“ კანონპროექტი, რომელზეც შეთანხმება უკვე მიღწეული იყო. საკმაოდ კონსტრუქციულად ვიმსჯელეთ, მიღწეული იყო კომპრომისები, რაც აისახა კიდეც კანონპროექტში, გაიარა სრულად სამივე მოსმენა კომიტეტში და დარჩენილი იყო მხოლოდ მესამე მოსმენა სესიაზე. თვითონვე ითხოვდნენ დაჩქარებული წესით და ძლივს დავეწიეთ მოვლენებს და ამ დროს პრაქტიკულად უკვე შეთანხმებული კანონპროექტის განხილვის გადადება ინიციატორმა მოითხოვა. მსგავსი რამ პრაქტიკულად, არ ხდება ხოლმე პარლამენტში და მაქვს საფუძვლიანი ეჭვი ვივარაუდო, რომ ვიღაცას არ მოეწონა შეთანხმება და კომპრომისი, რაც იყო მიღწეული კომიტეტზე მუშაობის დროს და შესაბამისად, ვფიქრობ, რომ ამ კანონპროექტის გამოტანა მესამე მოსმენაზე დაბლოკა,"- განაცხადა კობერიძემ.

ცნობისათვის, "ჯანმრთელობის დაცვის შესახებ“ კანონში შესატანი ცვლილებების მიხედვით, მაკონტროლებელი ორგანო უფლებამოსილი ხდება, მაღალი რისკის შემცველი სამედიცინო საქმიანობის მიმწოდებელს შეუჩეროს საქმიანობის უფლება, თუკი ტექნიკური რეგლამენტის შესრულების შემოწმების პროცესში დარღვევები გამოვლინდება.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია