კელი დეგნანი - აშშ-ის მთავრობას მიაჩნია, რომ დამოუკიდებელი, მიუკერძოებელი არაპარტიული საზოგადოებრივი აზრის კვლევა არის უმნიშვნელოვანესი

აშშ-ის საგანგებო და სრულუფლებიანმა ელჩმა, კელი დეგნანმა ჟურნალისტებთან საზოგადოებრივი აზრის ობიექტური გამოკითხვის მნიშვნელობაზე ისაუბრა.

კელი დეგნანის თქმით, მნიშვნელოვანია საქართველოში მოსახლეობის ცნობიერება საზოგადოებრივი აზრის კვლევის მნიშვნელობაზე გაიზარდოს.

"მე ძალიან მოხარული ვარ, რომ ვმონაწილეობ საზოგადოებრივი აზრის კვლევის ფორუმის პირველ სესიაში, რომელიც გახლავთ პროექტი ილიას სახელმწიფო უნივერსიტეტსა და USAID-ს შორის.

ამ ფორუმის მთავარი მიზანი გახლავთ, მხარი დავუჭიროთ არაპარტიულ, დამოუკიდებელ საზოგადოებრივი აზრის კვლევის ორგანიზაციებს. სამუშაო შეხვედრების შედეგად ჩამოყალიბდეს ეთიკის კოდექსი, რაც მთავარია გაიზარდოს მოსახლეობის ცნობიერება, თუ რატომ არის მნიშვნელოვანი საზოგადოებრივი აზრის კვლევა, რადგანაც ეს აძლევს საზოგადოებას შესაძლებლობას საკუთარი აზრი, პრობლემა თუ დამოკიდებულება უკეთ იყოს წარმოდგენილი.

აშშ-ს მთავრობას მიაჩნია, რომ დამოუკიდებელი, მიუკერძოებელი არაპარტიული საზოგადოებრივი აზრის კვლევა არის უმნიშვნელოვანესი. ვაფასებთ ამ პარტნიორობას",-აცხადებს კელი დეგნანი.

ცნობისთვის, ილიას სახელმწიფო უნივერსიტეტში USAID/საქართველოს და ილიას სახელმწიფო უნივერსიტეტის ორგანიზებით მიმდინარეობს ფორუმი „საზოგადოებრივი აზრის ობიექტური გამოკითხვა ანგარიშვალდებული და დემოკრატიული მმართველობისათვის“.

ფორუმს ესწრებიან აშშ-ის საგანგებო და სრულუფლებიანი ელჩი კელი დეგნანი, ბრიტანეთის ელჩის მოადგილე კლეარ ოლბლესი და საქართველოს პარლამენტის თავმჯდომარე არჩილ თალაკვაძე.

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)