დავით ზალკალიანმა საქართველოში ესტონეთის ელჩთან გამოსამშვიდობებელი შეხვედრა გამართა

საგარეო საქმეთა მინისტრმა დავით ზალკალიანმა საქართველოში ესტონეთის საგანგებო და სრულუფლებიან ელჩთან კაი კაარელსონთან გამოსამშვიდობებელი შეხვედრა გამართა. ამის შესახებ „ინტერპრესნიუსს“ საგარეო საქმეთა სამინისტროდან აცნობეს.

მათივე ინფორმაციით, მინისტრმა მადლობა გადაუხადა ელჩს საქართველოსა და ესტონეთის ურთიერთობების გამყარების საქმეში შეტანილი განსაკუთრებული წვლილისთვის.

„საუბარი შეეხო, ელჩის მოღვაწეობის პერიოდში, საქართველოსა და ესტონეთში განხორციელებულ არაერთ მაღალი დონის ვიზიტსა და ღონისძიებას, ესტონეთის მიერ საქართველოში განხორციელებულ წარმატებულ პროექტებს. მინისტრმა სიამოვნებით აღნიშნა, ესტონეთის ხელისუფლების წარმომადგენლების და პირადად ელჩის განსაკუთრებული მხარდაჭერა საქართველოს ტერიტორიული მთლიანობისა და სუვერენიტეტისადმი, ასევე ევროპული და ევრო-ატლანტიკური ინტეგრაციის პროცესში ესტონეთის მიერ აღმოჩენილი პრაქტიკული დახმარება. განსაკუთრებით აღინიშნა, ესტონეთის, როგორც გაერო-ს უშიშროების საბჭოს არა მუდმივი წევრის აქტიური მხარდაჭერა საქართველოს მიმართ. თავის მხრივ კაი კაარელსონმა, მადლობა გადაუხადა მინისტრს ძალიან ნაყოფიერი თანამშრომლობისთვის და ხაზი გაუსვა საქართველოსა და ესტონეთს შორის არსებულ განსაკუთრებულ ურთიერთობებს. აღნიშნა, რომ საქართველოს მისთვის ყოველთვის ექნება განსაკუთრებული მნიშვნელობა. ელჩმა კიდევ ერთხელ დაადასტურა, ესტონეთის მტკიცე მხარდაჭერა საქართველოს ევროპული და ევრო-ატლანტიკური ინტეგრაციისა და სუვერენიტეტისა და ტერიტორიული მთლიანობის მიმართ. შეხვედრაზე ასევე საუბარი შეეხო, საქართველოში და ესტონეთში COVID-19-ის პანდემიის გამო შექმნილ ვითარებას. მხარეები მიესალმნენ ორი ქვეყნის გადაწყვეტილებას, საზღვრების ურთიერთგახსნის თაობაზე. შეხვედრის დასასრულს, მინისტრმა ელჩს წარმატება უსურვა მომავალ საქმიანობაში”, - ნათქვამია ინფორმაციაში.

თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
ქართული პრესის მიმოხილვა 16.09.2021
იოსებ ბარათაშვილი - თუ უმოკლეს ვადებში არ გამოქვეყნდა რა აუცილებლობით კეთდებოდა ფარული ჩანაწერები, ხელისუფლებას მოუწევს პასუხისმგებლობის აღება ძალზე მძიმე ბრალდებაზე
ნიუ ვიჟენ უნივერსიტეტი საზოგადოებას კინემატოგრაფიაში ამერიკულ სამაგისტრო პროგრამას სთავაზობს
კრიპტალი მომხმარებლებს 1 მილიონ შიბა ინუს (ელექტრონული ფული) ჩუქნის
BDO Digital-ი SWIFT-ის ოფიციალური პარტნიორი გახდა
BDO Digital-ი კომპანიებს აქტივების მართვის თანამედროვე გადაწყვეტას სთავაზობს