არჩილ თალაკვაძე - ვფიქრობ, ნათელია და არ არის საკამათო, რომ საქართველოს პრეზიდენტი  ძალადობის წინააღმდეგია

საქართველოს პარლამენტის თავმჯდომარე არჩილ თალაკვაძე აცხადებს, რომ საქართველოს პრეზიდენტის, სალომე ზურაბიშვილის განცხადება, 19 წლის ფეხბურთელის გიორგი შაქარაშვილის გარდაცვალების საქმესთან დაკავშირებით, რამდენიმე მედია საშუალებაში კონტექსტიდან იყო ამოღებული.

არჩილ თალაკვაძის თქმით, კამათის საკითხი არ უნდა იყოს, რომ საქართველოს პრეზიდენტი, სალომე ზურაბიშვილი ძალადობის წინააღმდეგია.

„რამდენადაც ვიცი, სალომე ზურაბიშვილის კომენტარი ზოგიერთ მედია საშუალებაში კონტექსტიდან იყო ამოღებული და განხილული. ვფიქრობ, ნათელია და არ არის საკამათო, რომ საქართველოს პრეზიდენტი ძალადობის წინააღმდეგია, ისევე როგორც ხელისუფლების ყველა შტო.

ჩვენ ყველაფერი უნდა გავაკეთოთ, რომ ჩვენ საზოგადოებაში ძალადობა შევამციროთ. ასევე, შევამციროთ ძალადობა არასრულწლოვნებშიც. ამისთვის არაერთი რეფორმა გატარდა ჩვენი ხელისუფლების პირობებში. კიდევ არის ნაბიჯები გადასადგმელი, როდესაც დავბრუნდებით საშემოდგომო სესიაზე პარლამენტი ამ მიმართულებით გააგრძელებს მუშაობას“ , - აცხადებს არჩილ თალაკვაძე.

ცნობისთვის, დღეს საქართველოს პრეზიდენტმა სალომე ზურაბიშვილმა მედიასთან განაცხადა, რომ რამდენიმე ტელევიზიის მცდელობაა, რომ "პრომოძალადედ გაასაღონ".

"მე არ მითქვამს, რომ ერთი-ერთზე ძალადობა კარგია, არ მითქვამს ჩხუბი, ვთქვი, რომ ერთი-ერთზე არის ცხოვრებაში ყველაფერი, საუბარი, სიყვარული, ალბათ, არ იცით. არ მითქვამს არც ჩხუბი, არც გარჩევა",- განაცხადა სალომე ზურაბიშვილმა.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 24.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი