ომბუდსმენი - შაქარაშვილის საქმეზე რამდენიმე დაზარალებულს შევხვდი, ყველა მათგანს მთავარი სათქმელი ჩემთან აქვს, რომ განიცდიან ძალიან სერიოზულ ფსიქოლოგიურ წნეხს

საქართველოს სახალხო დამცველი, ნინო ლომჯარია გიორგი შაქარაშვილის გარდაცვალების საქმის ერთ-ერთ მთავარ მოწმეს, ფოტოგრაფ იაკობ ბრეგვაძეს შეხვდა.

როგორც ომბუდსმენმა შეხვედრის დასრულების შემდეგ განაცხადა, მათ რამდენიმე დაზარებული უკვე გამოეხმაურა და ყველა მათგანი, მათ შორის იაკობ ბრეგვაძეც აცხადებს, რომ განიცდიან ძალიან სერიოზულ ფსიქოლოგიურ წნეხს, ასევე იღებენ მუქარის შემცველ მესიჯებს და თვლიან, რომ მედიის მხრიდან მათი ჩვენებები ,,დამახინჯებულად” შუქდება.

,,მას შემდეგ რაც გავაკეთეთ განცხადება, რომ ვიწყებთ საქმის შესწავლას, რამდენიმე დაზარალებული უკვე გამოგვეხმაურა და რამდენიმე მათგანს უკვე შევხვდი. შემიძლია, ვთქვა, რომ ყველა მათგანს მთავარი სათქმელი ჩემთან აქვს ის, რომ ისინი განიცდიან ძალიან სერიოზულ ფსიქოლოგიურ წნეხს, ასევე იღებენ მუქარის შემცველ მესიჯებს და თვლიან, რომ მედიის მხრიდან მათი ჩვენებები შუქდება დამახინჯებულად და არასწორი ინტერპრეტაცია ხდება.

იაკობ ბრეგვაძეს და მის ადვოკატსაც ავუხსენით, რომ სახალხო დამცველის ამ საქმეში ჩართვის მთავარი მიზანია ვნახოთ ობიექტურად, რა ხდება გამოძიებაში და შეესაბამება თუ არა სიმართლეს ის განცხადებები, რაც კეთდება მედიაში, როდესაც მორჩება გამოძიება ყველა კითხვაზე გავცემთ პასუხს”, - განაცხადა ნინო ლომჯარიამ.

ამასთან, სახალხო დამცველის განცხადებით, იაკობ ბრეგვაძე მას საქმის დეტალებზეც ესაუბრა.

,,იაკობი აცხადებს, რომ საზოგადოების მხრიდან ძალიან დიდ ზეწოლას განიცდის, თითქოს ის არის დამნაშავე და ვინმეს ხელს აფარებს. ის თვლის, რომ არაფერს მალავს და მზად არის ნებისმიერ დროს მისცეს ახსნა-განმარტებები სამართალდამცავ ორგანოებს. მომიყვა მთელ ისტორიას, რაც იმ დღეს განვითარდა, რაც ჩვენებებშიც იქნება და ვნახავთ.

სურათებზე აცხადებს, რომ ეს არის ტყუილი. 112-ის ზარზე თავად ამბობს, რომ დარეკა, თუმცა ეს ყველაფერი უნდა დადასტურდეს სატელეფონო ამონაწერებით”, - განაცხადა ნინო ლომჯარიამ.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა