არჩილ თალაკვაძე - რუსეთის ფედერაცია ებრძვის არა მხოლოდ ლუგარის ცენტრს, არამედ, საქართველოს წარმატებებს

პარლამენტის თავმჯდომარის, არჩილ თალაკვაძის განცხადებით, საქართველოს ხელისუფლება რუსეთს არ მისცემს შესაძლებლობას, საქართველოს დემოკრატია შეასუსტოს.

თალაკვაძე ლუგარის ლაბორატორიასთან დაკავშირებით ე.წ. სამხრეთ ოსეთის „სახელმწიფო უშიშროების კომიტეტის“ მიერ გავრცელებულ ინფორმაციას აბსურდს უწოდებს.

„რუსეთის ფედერაციას ოკუპირებული აქვს საქართველოს ტერიტორიები და რა თქმა უნდა, ნებისმიერი წარმატება, რომელსაც საქართველო აღწევს დემოკრატიის, ეკონომიკის, ჯანდაცვის თუ სოციალურ სფეროებში, რუსეთისთვის არის მიუღებელი. ამიტომ ის იყენებს მის ხელთ არსებულ ინსტრუმენეტებს, დეზინფორმაციას, რათა შეასუსტოს საქართველოს წარმატებები და ერთ-ერთი ასეთი მაგალითი არის აბსოლუტურად უსაფუძვლო თავდასხმები ლუგარის ლაბორატორიაზე, რომელიც ჩვენი ჯანდაცვის სისტემის და დაავადებათა კონტროლის მექანიზმის ერთ-ერთი წამყვანი რგოლია. ბუნებრივია, ეს არის ორკესტრირებული კამპანია და ამ შემთხვევაში რუსეთის ფედერაცია და მის მიერ კონტროლირებული ძალები და საინფორმაციო პროპაგანდა, ებრძვის არა მხოლოდ ლუგარის ცენტრს, არამედ, საქართველოს წარმატებებს. ეს ვერსია, რომელიც გაჟღერდა, არის აბსურდული და ღიმილის მომგვრელი და ის, ვინც ასეთი სცენარი მოიფიქრა, თავადაც კარგად ერკვევა, რომ ეს არის აბსოლუტური დეზინფორმაცია“,- განაცხადა თალაკვაძემ.

ცნობისთვის, ოკუპირებული ე.წ. სამხრეთ ოსეთის „სახელმწიფო უშიშროების კომიტეტის“ ინფორმაციით, 3 ივლისს ე.წ. საზღვრის დარღვევის ბრალდებით დაკავებული საქართველოს მოქალაქე ხვიჩა მღებრიშვილი დე ფაქტო რესპუბლიკის ტერიტორიაზე გადასვლის მიზეზად ღამურების მოძებნას და შემდგომ ლუგარის ლაბორატორიისთვის 5000 აშშ დოლარად რეალიზაციას ასახელებს.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 25.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს