საქართველოში აზერბაიჯანის საელჩოსთან აქცია მიმდინარეობს. როგორც ,,ინტერპრესნიუსთან“ საუბრისას აქციის ერთ-ერთმა წევრმა, ისტორიკოსმა გურამ მარხულიამ განაცხადა, საქართველო უნდა დადგეს აზერბაიჯანის გვერდით.
,,ვაპროტესტებთ რუსეთ-სომხეთის ქმედებას აზერბაიჯანის წინააღმდეგ, კერძოდ, ტოლუზის რაიონში, სადაც გადის გეოეკონომიკური და გეოსტრატეგიული მნიშველობის ნავთობსადენი. ეს არამარტო აზარბაიჯანის, არამედ საქართველოს პრობლემაცაა. საქართველო და აზერბაიჯანი არიან მოკავშირეები და ამ პროექტზე არის მიბმული საქართველოც. ამით მე ვამხნევებ საქართველოს, რომ დადგეს აზერბაიჯანის გვერდით, რათა შევინარჩუნოთ ჩვენი დამოუკიდებლობა, მეგობრული ურთიერთობები ორ ქვეყანას შორის და დავიბრუნოთ ჩვენი ოკუპირებული ტერიტორიები", - განაცხადა გურამ მარხულიამ.