ევროკავშირმა შსს-ს დოკუმენტის შემოწმების მოწყობილობები გადასცა

თბილისის აეროპორტში გამართულ ღონისძიებაზე, მიგრაციის საერთაშორისო ორგანიზაციამ, ევროკავშირის მხარდაჭერით განხორციელებული პროექტის ფარგლებში, შინაგან საქმეთა სამინისტროს 60 ერთეულ მოწინავე სასაზღვრო კონტროლის მოწყობილობა გადასცა. ღონისძიებას შინაგან საქმეთა სამინისტრომ უმასპინძლა.

როგორც საქართველოში ევროკავშირის ოფიციალური წარმომადგენლობის მიერ გავრცელებულ ინფორმაციაშია აღნიშნული, 6 348 ევროს (21,580 ლარის) ღირებულების ტექნიკა კიდევ უფრო გააძლიერებს საქართველოს მთავრობის შესაძლებლობებს უკანონო მიგრაციასთან და ტრანსსასაზღვრო დანაშაულთან ბრძოლაში. „დოკუმენტების შემოწმების დანადგარები საშუალებას მისცემს მესაზღვრეებს, საკვანძო სასაზღვრო გამტარ პუნქტებში, სწრაფად განახორციელონ პასპორტებისა და სხვა სამგზავრო დოკუმენტების დამცავი მახასიათებლების შემოწმება. ხოლო, ეჭვის გაჩენის შემთხვევაში, აღნიშნულ მგზავრებს გადაიყვანენ ე.წ. მეორად ინსპექტირებასა და შემოწმებაზე. დიდ ბრიტანეთში წარმოებული დოკუმენტის შემოწმების მოწყობილობები წარმოადგენს სამმაგი ფუნქციის მქონე ინსტრუმენტს და აღჭურვილია ულტრაცისფერი ნათურით, ე.წ. თეთრი ნათურით და ჰალოგენური ნათურით, რომლებიც განკუთვნილია სხვადასხვა სახის მახასიათებლების შესამოწმებლად. აღნიშნული მოწყობილობების გადაცემა მოხდა ევროკავშირის მიერ დაფინანსებული იმ პროგრამის ფარგლებში, რომლის დახმარებითაც საქართველოს მთავრობას მიგრაციისა და საზღვრის მართვის სფეროსთვის უკვე გადაეცემა 10 მილიონი ევროს (34 მილიონი ლარი) ღირებულების ტექნიკური აღჭურვილობა. ევროკავშირის დახმარებით, უკანასკნელ წლებში ასევე გაძლიერდა შინაგან საქმეთა სამინისტროს მეორადი ინსპექტირების შესაძლებლობები. შედეგად, ყველა მნიშვნელოვან სასაზღვრო გამტარ პუნქტში წარმოდგენილია აპარატურა, რომელიც სამგზავრო დოკუმენტების ნამდვილობის შემოწმების და გამოვლენის შესაძლებლობას იძლევა,” - ნათქვამია ინფორმაციაში.

ევროკავშირის დელეგაციის რწმუნებულის, მონიკა ჩაკის განცხადებით, ევროკავშირი და საქართველო მჭიდროდ თანამშრომლობენ საზღვრის უსაფრთხოების გაძლიერების მიმართულებით.

„საქართველოს ხელისუფლებისთვის დღეს გადაცემული აღჭურვილობა საშუალებას მისცემს მათ, უფრო ეფექტიანად გაუმკლავდნენ უკანონო მიგრაციას და დანაშაულს. ევროკავშირში უვიზო მიმოსვლის კუთხით ეს მეტად მნიშვნელოვანია და წარმოადგენს საქართველოში საზღვრების თანამედროვე სტანდარტებით მართვის და საქართველოს მოქალაქეების უსაფრთხოების და დაცულობის უზრუნველყოფის მიმართულებით ევროკავშირის ფართო მხარდაჭერის ნაწილს”, - განაცხადა მონიკა ჩაკმა.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია