საფრანგეთის პრეზიდენტი ემანუელ მაკრონი ქალაქ ნანტიში მდებარე წმინდა პეტრესა და პავლეს სახელობის ტაძარში გაჩენილ ხანძარს სოციალურ ქსელ „ტვიტერში“ გამოეხმაურა.
„ნოტრ-დამის შემდეგ წმინდა პეტრესა და პავლეს სახელობის საკათედრო ტაძარი იწვის. მხარდაჭერას ვუცხადებ მეხანძრეებს, რომლებიც სიცოცხლის რისკის ფასად ამ გოთიკურ განძს იცავენ,“- წერს ემანუელ მაკრონი.
შეგახსენებთ, საფრანგეთის დასავლეთ ნაწილში მდებარე მე-15 საუკუნის ტაძარში ხანძარი გაჩნდა. რამდენიმე საათიანი ოპერაციის შემდეგ სახანძრო სამსახურმა ცეცხლის გაკონტროლება შეძლო. ამ დროისთვის ადგილზე 100-ზე მეტი მეხანძრე მუშაობს. გავრცელებული ინფორმაციით, ცეცხლმა ტაძრის ორღანი მთლიანად გაანადგურა. ხანძრის გამომწვევი მიზეზი ჯერჯერობით უცნობია. შესაბამისმა სამსახურებმა გამოძიება დაიწყეს.