ტურიზმის ეროვნულმა ადმინისტრაციამ კერძო სექტორისთვის ტრენინგების მეორე ეტაპი დაიწყო

როგორ დავნერგოთ Covid 19 - თან დაკავშირებული ძირითადი რეკომენდაციები განთავსებისა და კვების ობიექტებში - აღნიშნულ თემაზე ტურიზმის ეროვნული ადმინისტრაციის ტრენინგები მთელი საქართველოს მასშტაბით გრძელდება. ამის შესახებ „ინტერპრესნიუსს“ ტურიზმის ეროვნული ადმინისტრაციიდან აცნობეს.

მათი ინფორმაციით, 15 ივლისიდან 31 ივლისის ჩათვლით, ტრენინგების შემდეგ ქალაქებში ტარდება: ყვარელი, ლაგოდეხი, სიღნაღი, ქუთაისი, ზუგდიდი, ანაკლია, მესტია, ბორჯომი, ბაკურიანი, ახალციხე, გუდაური, ყაზბეგი, ონი, ამბროლაური, ფოთი.

7 ივლისიდან - 15 ივლისის ჩათვლით, ტრენინგები უკვე გაიმართა: მცხეთაში, გორში, ხაშურში, კასპში, ბათუმში, ქობულეთსა და თელავში.

ტრენინგების I ეტაპი მოიცავდა ონლაინ სასწავლო კურსებს. 3 ივნისიდან - 12 ივნისის ჩათვლით გადამზადდა 1 000-მდე განთავსებისა და კვების ობიექტის წარმომადგენელი. ონლაინ ტრენინგ კურსი გაიარეს იმ განთავსების ობიექტებმაც, რომლებმაც შრომის პირობების ინსპექტირების დეპარტამენტის შემოწმების საფუძველზე, პირველ ეტაპზე საქმიანობის გაგრძელების ნებართვა ვერ მიიღეს.

„ტურიზმის ადმინისტრაციის ინიცირებით, მასშტაბური ტრენინგების პროგრამა მიმდინარეობს, რომლის ფარგლებშიც, კერძო სექტორის წარმომადგენლები გადამზადების კურსს სრულიად უსასყიდლოდ გადიან. გადამზადების კურსი ეხება „კოვიდ-19“-თან დაკავშირებულ რეგულაციებს, რომ განთავსების, კვების, ობიექტების წარმომადგენლებმა და გიდებმა იცოდნენ, თუ რა სავალდებულო რეგულაციებია დაწესებული პოსტპანდემიურ პერიოდში, რომ სწორად შეძლონ ბიზნესის ოპერირების დაგეგმარება და რა თქმა უნდა, უსაფრთხოდ მიიღონ ტურისტები. ამ ეტაპზე ტურიზმის ადმინისტრაციამ უსასყიდლოდ ჯამში 1500-მდე ადამიანი გადაამზადა. მოვუწოდებთ ტურიზმის დარგის წარმომადგენლებს, რომ სურვილისამებრ ჩაერთონ ტრენინგებში, რაც მათ დაეხმარებათ საქმიანობის განხორციელებაში,“ - განაცხადა ტურიზმის ეროვნული ადმინისტრაციის ხელმძღვანელმა მარიამ ქვრივიშვილმა.

როგორც გავრცელებულ ინფორმაციაშია ნათქვამი, ტურიზმის ეროვნული ადმინისტრაციის ახალი პროექტი კერძო სექტორს უსაფრთხოების სავალდებულო რეკომენდაციების შესრულებაში დაეხმარება.

„ტურიზმის ეროვნული ადმინისტრაციის შეთავაზებული ტრენინგების მიზანია კერძო სექტორის წარმომადგენლებს სრულყოფილი ინფორმაცია ჰქონდეთ, თუ რა მოთხოვნების შესრულება მოუწევთ რეგულაციების შესასრულებლად, რომ მოახდინონ ადაპტირება ახალ სტანდარტებზე და შემოწმების შემდეგ განაახლონ ოპერირება,” - ნათქვამია ინფორმაციაში.

ალექსანდრე თვალჭრელიძე - არ შემეშინდება გითხრათ, რომ არჩევნების შემდეგ ჩვენ განსხვავებულ პოლიტიკურ სტრუქტურას მივიღებთ
ქართული პრესის მიმოხილვა 27.09.2021
რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
წინანდლის ფესტივალის პრესსამსახური განცხადებას ავრცელებს
ქართველმა მეცნიერებმა და ევროკავშირის დაძმობილების პროექტის ექსპერტებმა "მწვანე გარიგების” პერსპექტივები განიხილეს